Sinunö
3 Miʼalawaʼö döinia niʼamoniʼö.+
Yaʼomuso dödö niha sangalui Yehowa.+
4 Miʼalui Yehowa+ ba faʼabölönia.
Böi miböhöli wangalui yaʼia.*
5 Mitörö tödömi zahöli-höli dödö nifaluania,
Tandra sahöli-höli dödö ba angetula huku nifaʼemania,+
6 Yaʼami ngaʼötö Gaberahamo enoninia,+
Iraono Yakobo, niha nifilinia.+
7 Yaʼia Lowalangida Yehowa.+
Yaʼia zanguhuku si sagörö ulidanö.+
8 Itörö tödönia mbuʼusa linia sagötö faʼara,+
Buʼusa li niwaʼönia* irugi zi saribu ngaʼötö,+
9 Buʼusa linia khö Gaberahamo,+
Ba hölunia khö Gizaʼaki,+
10 Hölunia si lö tebulö khö Yakobo
Ba buʼusa linia si lö aetu khö Gizaraʼeli,
11 Me imane, ”Ubeʼe dania khömi danö Ganaʼana+
Si tobali ondröita nihonogöigö khömi.”+
13 Latöröi soi misa,
Iʼotarai ba wamatörö si sambua numalö ba soi tanö böʼö.+
14 Lö itehegö na so zamakao yaʼira,+
Hizaʼi itegu ndra razo börö ira,+
15 Imane, ”Böi mibabaya niha nibayoinigu,
Ba böi mifakao ndra samaʼeleʼö andrö khögu.”+
17 Ifadari-dariʼö samösa niha fönara,
Niʼamawa si tobali sawuyu, yaʼia daʼö Yosefo.+
18 Laböbö* gahenia faoma rate,+
Ba laböbö mbaginia* faoma siʼöli;
19 Irege itörö niwaʼö daromalinia andrö.+
Tobali fangehaonia wehede Yehowa.
20 Ifawaʼögö razo ba niha enaʼö latotoʼö ia,+
Samatörö soi andrö zangefaʼö yaʼia.
21 Ifataro ia razo tobali samatörö yomo ba nomonia,
Samatörö fefu okhötania,+
22 Enaʼö ifatörö* ndra sondröniaʼö moloʼö somasi dödönia
23 Aefa daʼö, tohare ndraono Gizaraʼeli ba Miserai,+
Ba toröi Yakobo ba mbanua Khamo, tobali ia niha si fatewu.
25 Itehegö tebulö dödö zi faʼudu khöra enaʼö fatuwu ira ba nono mbanuania,
Ba laʼera-era zi lö sökhi sedöna lafalua ba nono mbanuania.+
27 Lafalua ngawalö dandra föna nudura,
Hegöi ngawalö zahöli-höli dödö ba danö Khamo.+
28 Iʼasogö waʼogömi-gömi ba lua-luania ogömi soi daʼö;+
Lö lalawa daromalinia yaʼira si darua andrö.
29 Ibaliʼö do nidanö
Ba mate fefu giʼa.+
30 Ihawui talaho danöra,+
Ofeta ba mbateʼe gödo razo.
31 Ifatenge ndri segebua hegöi di awu
Ba ihawui fefu mbanuara.+
33 Ifakiko döla nagu khöra awö döla geu ara
Ba ahori tekiko fefu döla geu ba danöra.
34 Ifatenge damo ba wanuwö yaʼira,
Tamo sawuyu-wuyu si tebai muʼerai faʼoya.+
35 Tamo andrö zangohori sinanö ba soi daʼö,
Simanö göi mbua danö.
36 Aefa daʼö, ibunu fefu nono siaʼa ba soi daʼö,+
Siaʼa waʼabölöra.
37 Iheta nono mbanuania ba oya ifaogö khöra wirö awö ganaʼa;+
Ba lö hadöi salabu ba gotaluara.
38 Omuso dödö Miserai me mofanö ndraono Gizaraʼeli,
Börö waʼataʼura.+
42 Börö me itörö tödönia mbuʼusa linia niʼamoniʼö khö genoninia Aberahamo.+
43 Iheta nono mbanuania ba soi daʼö si fao faʼomuso dödö,+
Iʼohe niha nifilinia si fao faʼowua-wua dödö.
44 Ibeʼe khöra danö niʼokhögö soi böʼö;+
Yaʼira zanema bua ba waʼerege dödö niha böʼö,+
45 Enaʼö lafalua gamakhoitania+
Ba laʼoʼö goroisania.
Haleluya!*