TUHO SIʼOFÖNA | HANIHA NDRA SAMADUHUʼÖ YEHOWA?
Hana wa möiga manuriaigö?
Halöwö fanuriaigö daʼö zamaböʼöni yaʼaga moroi ba niha böʼö. Manuriaigö ndraʼaga ba nomo, ba nahia sato niha mazui gofu hezo manö na so niha si falukha khöma. Hana wa mafalua halöwö daʼa?
Ira Samaduhuʼö Yehowa möi ira manuriaigö enaʼö aboto ba dödö niha haniha döi Lowalangi. (Heberaiʼo 13:15) Maʼoʼö göi niwaʼö Yesu, ”Miʼaeʼe, mibaliʼö nifahaʼö fefu soi . . . mifahaʼö ira ba woloʼö fefu hadia ia niwaʼögu khömi.”—Mataiʼo 28:19, 20.
Maforomaʼö göi waʼomasi ba niha. (Mataiʼo 22:39) Faduhu dödöma ato niha si no so agama ba lö fefu adöni dödöra ba duria somuso dödö. Hizaʼi, faduhu dödöma famahaʼö moroi ba Zura Niʼamoniʼö daʼö zi tola mangorifi niha. Daʼö mbörö wa lö ma bato ”wamahaʼö ba fangombakha Yesu Keriso,” simane nifalua niha Keriso me föna.—Halöwö Zinenge 5:41, 42.
Sosiolog sotöi Antonio Cova Maduro imane wangumaʼö, ”Laforege wamalua halöwö fanuriaigö ira Samaduhuʼö Yehowa . . . , enaʼö teturiaigö Mbanua Lowalangi ba zi sagörö ulidanö.”—El Universal koran, Venezuela
Tenga ha ira Samaduhuʼö Yehowa zombaso buku si no mafazökhi. Ato niha nifahaʼöma ba Zura Niʼamoniʼö no so agamara. Omasi ira na möi khöra ndra Samaduhuʼö Yehowa.
Te so wanofu-nofumö tanö böʼö sanandrösa khö ndra Samaduhuʼö Yehowa. Omasi ndraʼaga enaʼö ösöndra wanemali:
Sofu fa zamösa khö ndra Samaduhuʼö Yehowa.
Tola öfaigi situs Web khöma ba www.pr2711.com/nia.
Gofu haniha manö tola möi ba gangowuloama ba lö hadöi gameʼela.