Enaʼö Onekhe Ita ba Wanuriaigö—Nifaluada na Mofönu Zokhö Omo

Hana Wamoguna: Sitoʼölönia niha si falukha khöda ba wanuriaigö oi sökhi. Hizaʼi, no ifaʼeleʼö Yesu wa hasambalö so niha si fatuwu khöda. (Yohane 17:14) Lö ahöli dödöda na so niha sofönu namöi ita ba nomora. Naʼalua daʼö, enaʼö somasi Yehowa nifaluada, börö me enoninia ita. (Roma 12:17-21; I Fetero 3:15) Na simanö, lö tasöndra gabula dödö. Aefa daʼö, sokhö omo ba niha tanö böʼö samaigi-maigi tola omasi ira lafondro-ndrongo na möi ndra Samaduhuʼö Yehowa samuza inötö.—II Korindro 6:3.

Lala Wamalua:

Böi ofönu ba haogö wangumaʼö. Enaʼö böi so gabula dödö. Böi ide-ide dödöu na so niha si lö omasi. (Zangombakha 7:9) Wa tola lö omasi ia börö na so gabula dödönia tanö böʼö mazui lö tefaudu ginötö weʼasoda. Börö me so wehede niha sasese irongo sanandrösa ba khöda, andrö lö omasi ia itema na möi ita ba nomo khönia.—II Korindro 4:4.
Haogö wanema li. (Gamaedola 15:1) Hadia inötö weʼasoda lö tefaudu? Hewaʼae lö taʼandrö waʼebolo dödönia börö duria niʼoheda, hizaʼi tola taʼandrö waʼebolo dödönia börö me lö tefaudu ginötö weʼamöida khönia. Wa mofönu ia hadia börö wehede niha si lö baga sanandrösa khöda? Na simanö, tola tawaʼö khönia, ”Faduhu dödögu daʼö mbörö watola abao dödöu khöma. Hizaʼi, sindruhunia fefu niwaʼö-waʼö niha andrö lö itörö. Hadia tola uʼandrö ginötö ba wangombakha?” Hadia so zi lö faudu ba dödönia wamahaʼöda si teʼodane-dane ba Zura Niʼamoniʼö, sanandrösa na so niha niʼefasi moroi ba gangowuloa mazui sanandrösa ba wemanga do? Tola öwaʼö, ”Aboto ba dödögu. Ato niha zangumaʼö simane daʼö. Tobali, hadia tola tabaso hewisa moloʼö Sura Niʼamoniʼö?”
Na mofönu zokhö omo, böi tatema linia, sibagania enaʼö mofanö ita moroi ba daʼö. Na iwaʼö lö omasido na möi ndra Samaduhuʼö Yehowa ba daʼa, tola tawaʼö khönia lau, lö möiga saʼae.

Tandraigö öfalua Daʼa Barö Mbaẃa Andre:

Tola öfahaʼö ndraʼugö ba ginötö mbongi wamahaʼö ba nomo.
Na no mofanö ita moroi ba nomo niha si lö omasi manemaʼö yaʼita, tola taʼandrö mbua wangera-ngera dalifusöda si fao khöda ba wanuriaigö hewisa zi bagania wanema li na alua zimane daʼö.