FAʼAURI NIHA KERISO

Börö Höli Wa So Wanusugi

Me no aefa me’e nösi nomonia hegöi si fahuwu khönia me no mate samösa nono alawe, terara dödö dalifusönia ira alawe börö me i’angerönusi wanusugi niha si no mate ba zi so föna

Fanörö Tödö faʼamate Yesu zanolo yaʼita ba wokhalaigö howu-howu ba zi so föna börö höli, simane fanusugi niha si no mate. Lö irai tumbu ba dödö Yehowa enaʼö latörö waʼamate niha. Faʼamate no sambua abula dödö niha gulidanö, mendrua manö na mate niha niʼomasiʼöda. (IKor 15:26) Afökhö dödö Yesu me iʼila waʼabu dödö ndra nifahaʼönia me mate Lazaro. (Yoh 11:33-35) Fakhili Yesu khö Namania, andrö wa tola faduhu dödöda wa afökhö göi dödö Yehowa na iʼila abu dödöda na mate niha niʼomasiʼöda. (Yoh 14:7) Humulu dödö Yehowa ba wanusugi ono mbanuania si no mate, simanö göi ita.—Yob 14:14, 15.

Börö me Lowalangi si toföfö Yehowa, andrö faduhu dödöda wa toföfö göi dania wanusuginia si no mate. (IKor 14:33, 40) Tatemaʼö dania niha nisusugi, tenga taʼowasaini wogoʼo niha. Hadia ökhalaigö wemaoso zi mate ba ginötö mate niha niʼomasiʼöu? (IIKor 4:17, 18) Hadia öʼandrö saohagölö khö Yehowa me no ibeʼe höli ba me no ifatunö ba Zura Niʼamoniʼö wa so wemaoso zi mate?—Kol 3:15.

Haniha zi fahuwu khöu mazui si fahatö khöu zomasiʼö öfalukhaisi ba ginötö wanusugi dania?
Haniha niha samati ba Zura Niʼamoniʼö zomasiʼö öfalukhaisi ba fahuhuo khönia?