Fahaʼö Zindruhu

Tebörögö ba mbaŵa si Siwa, so wamadumaisi si bohou ba Waö-Waö Halöwö ba Gangowuloa, tuhonia ”Fahaʼö Zindruhu”. Ohitö dödö wa mufaʼanö duho andre yaʼia daʼö ba wamaʼema dane-dane wamahaʼö Zura Niʼamoniʼö, laʼogunaʼö sambua wanofu hegöi ayati.

Na adöni dödönia, tola tabeʼe khönia mbuku mazui tafuta video moroi ba jw.org enaʼö so dane-dane nifatunöda na tafuli tafalukhaisi ia. Moguna taforege wamalukhaisi yaʼia ba zi hauga hari ba wanohugö huhuoda. Famadumaisi si bohou andre hegöi famahaʼö ba zekola, teʼodane-dane moroi ba mbuku Hadia Nifahaʼö Zura Niʼamoniʼö Khöda? Tola taʼalui wanofu hegöi ayati sanolo yaʼita enaʼö tola tafuli tafalukhaisi ia nasa mazui tafahaʼö ia, hewaʼae ha Sura Niʼamoniʼö niʼogunaʼöda.

Ha sara lala saekhu ba waʼauri. (Mat 7:13, 14) Niha nifalukhaisida ba wanuriaigö teʼotarai ba ngawalö agama hegöi banua. Börö daʼö, moguna tafaʼema zindruhu moroi ba Zura Niʼamoniʼö si tefaudu ba zadöni dödöra. (ITim 2:4) Na itugu aboto ba dödöda ngawalö duho ba Zura Niʼamoniʼö, ba onekhe ita ba ”wangehaogö fangogunaʼö taroma li sindruhu andrö”, hasambalö mofozu ita ba wamahaʼö niha böʼö sanandrösa ba zindruhu.​—IITim 2:15.