ENAʼÖ ONEKHE ITA BA WANURIAIGÖ
Fazökhi Wamadumaisi Niʼilau ba Wameʼe Buku Manuriaigö
HANA WA MOGUNA: Hewaʼae tola itolo ndraʼugö duma-duma wamadumaisi si so ba mbuku waö-waö halöwö ba gangowuloada andre, daʼö ha duma-duma. Baga na öʼogunaʼö wehedeu samösa. Tola öʼogunaʼö lala tanö böʼö mazui tuho tanö böʼö sadöni dödö niha ba mbanua si so yaʼugö. Andrö, na no aefa öbaso mbuku Manuriaigö, angeraigö duma-duma wamadumaisi, faigi video wamadumaisi, ba tola öʼogunaʼö mbua gera-era si no musura andre mitou ba wanolo yaʼugö wamazökhi famadumaisi niʼilau.
LALA WAMALUA YAʼIA:
Sofu khöu samösa, ’Hadia uʼogunaʼö duma-duma wamadumaisi si no so andrö?’
UʼOGUNAʼÖ
Faʼanö wehede famasao. Na no aefa öʼowai zokhö omo, adogoiʼö wamatunö hana wa öʼondrasi ia. (Duma-dumania: ”Andrö wa möido ba daʼa . . . ”)
Haogö angeraigö hadia wanofumö si tola öbokai ayati, irege tola öbeʼe khönia mbuku. (Duma-dumania: Enaʼö tola öbokai ayati, ömane khönia, ”So ba ayati daʼa wanema li si tefaudu ba wanofu andre.”)
LÖʼÖ
Fili duho sadöni dödöu moroi ba mbuku Manuriaigö ba sadöni dödö niha böʼö
Böi beʼe wanofu si tebai itema li. Alui wanofu sadöni dödönia enaʼö omasi ia fahuhuo khöda. (Duma-dumania: Fanofu si so ba ngaʼörö si 2 ba mbuku andrö.)
Fili ayati nibasou dania. (Tola öbaso ba Zura Niʼamoniʼö mazui öbaso ayati si no musura ba mbuku andrö si tefaudu ba niha nifalukhaisida. Itaria göi ha ötötöi manö ayatinia.)
Halö rahu-rahu ba zi no mifatunö enaʼö iʼila sokhö omo wa so gunania na mubaso mbuku andrö
GOFU HADIA WANEMAU LI
Henaigö wanofu nitemau li na öfuli öfalukhaisi ia
Sura hadia nifaʼemau khönia enaʼö lö olifu ndraʼugö hadia nifaʼemau na ifuli falukha ami