Tolo Ndraonomö enaʼö Ladouʼö Wamati Saro khö Zomböi

Tola tefolakhömi Yehowa ba niwöwöinia. (Zin 19:2-5; 139:14) Hizaʼi, ulidanö nifatörö Gafökha, iʼasogö wamahaʼö si möi fangoʼaya Lowalangi sanandrösa ba mböröta waʼauri. (Rom 1:18-25) Hewisa enaʼö lö möi ba dödö hegöi fangera-ngera ndraonomö wamahaʼö daʼö? Iʼotarai ba waʼide-ide, tolo ira ba wangokhögö famati wa so Yehowa ba iʼameʼegö tödö ita. (IIKor 10:4, 5; Ef 6:16) Alui lala enaʼö öʼila hadia nifahaʼö khöra ba zekola, ba ogunaʼö zi no muhenaigö ba wamarou tödö hegöi fangera-ngerara.​—Gamd 20:5; Yak 1:19.

FAIGI VIDEO NIWAʼÖ NDRA AWÖU—TANDRA WA SO LOWALANGI, AEFA DAʼÖ BEʼE WANEMA LI BA WANOFU-NOFU DAʼA:

• Hadia manö walimosa sasese lawaʼö niha sanandrösa ba waʼafaduhu dödö khö Lowalangi?

• Hadia manö nifahaʼö ba zekolamö?

• Hana wa faduhu dödömö wa sindruhu-ndruhu so Yehowa?

• Hewisa wanolou zi samösa niha enaʼö aboto ba dödönia wa Lowalangi zamazökhi fefu hadia ia?