Sinunö Mbanua Lowalangi Tola Möi Fangaroʼöda

Me so Waulo hegöi Sila ba gurunga, lasuno Lowalangi faoma sinunö. (Hal 16:25) Me götö Nazi ba Jerman, niha Keriso si so ba kamp konsentrasi Sachsenhausen hegöi ba nahia waniboʼö ba Siberia, laʼanunöisi zinunö Mbanua Lowalangi. Duma-duma daʼa zangoromaʼö wa sinunö, tola möi fangaroʼö niha Keriso sanaögö fanandraigö.

Ba zi lö aratö, tefaʼanö mbuku zinunö si bohou ba ngawalö li. Ba li Indonesia tuhonia, ’Bernyanyilah dengan Gembira’ bagi Yehuwa. Na no taʼokhögö ia, tola tafahaʼö ita ba woʼanunöisi yaʼia ba ginötö wamahaʼö zi sambua omo enaʼö tola tatanö ia ba dödöda. (Ef 5:19) Eheha niʼamoniʼö zanolo yaʼita enaʼö tola ifuli itörö tödöda daʼö ba ginötö so gabula dödöda. Sinunö Mbanua Lowalangi möi fanoloda enaʼö taʼosambuaʼö dödöda ba dötönafö niʼokhögöda ba zi so miföna. Tola iʼaroʼö ita na tataögö wanandraigö. Ba ginötö owua-wua dödöda, ösi zinunö daʼö zamarou tödöda irege tola taʼanunöisi ia si fao ’faʼomuso dödö’. (INga 15:16; Zin 33:1-3) Andrö, datahaogö wangogunaʼö zinunö Mbanua Lowalangi andre!

FAIGI VIDEO SINUNÖ SANGAʼAROʼÖ NIHA SI TOBALI SAWUYU, BA BEʼE WANEMA LI BA WANOFU-NOFU ANDRE:

• Hadia zamarou tödö dalifusöda Frost ba wangehaogö sambua sinunö?

• Hewisa wa möi fangaroʼö ndra talifusöda si so ba kamp konsentrasi Sachsenhausen zinunö daʼö?

• Ba waʼaurimö si ero maʼökhö, ba ginötö hadia manö tola möi fangaroʼömö zinunö Mbanua Lowalangi?

• Hadia zinunö Mbanua Lowalangi somasi ötanö ba dödömö?