Hadia Wamahaʼö Nihalöda moroi ba Zinunö JW Broadcasting?

Hadia zinunö sabölö omasiʼö si so ba JW Broadcasting? Hana wa omasi ndraʼugö zinunö daʼö? Hadia tefaudu ba zalua khömö nösi video andrö? Börö me faböʼö-böʼö duho hegöi musiknia, hasambalö so mbua nitema niha ero zamösana moroi ba musik andrö. Hizaʼi fefu zinunö hegöi video daʼö, mufazökhi ia tenga ha si tobali hiburan.

Ero sambua zinunö, ifahaʼö ita enaʼö tobali niha Keriso sabölö sökhi. So zinunö sanandrösa ba waʼoböwö, fahasara dödö, fahuwusa, faʼabarani, faʼomasi hegöi famati. Sinunö tanö böʼö moʼamakhaita ia enaʼö mangawuli khö Yehowa, lö faröi hewaʼae tosasa, hegöi famorege ba wamosumange Yehowa ba ngawalö lala. Aefa daʼö, so zinunö sanandrösa ba wangogunaʼö HP. Hadia nasa wamahaʼö si tola öhalö moroi ba zinunö JW Broadcasting?

FAIGI VIDEO ZINUNÖ SO BA DUDUMA HÖRÖ, BA BEʼE WANEMA LI BA WANOFU-NOFU DAʼA:

• Hadia nikhalaigö zi sambua fongambatö si no atua andrö?​—1Moz 12:3

• Hewisa lala enaʼö itugu faduhu dödöda wa hasambalö ifalua mbuʼusa linia Yehowa?

• Ba zi lö ara tö, haniha manö dania zi falukha khöda ba Waradaiso?

• Na göna ita abula dödö, hewisa dötönafö sanandrösa ba Wamatörö Lowalangi tola ibeʼe khöda waʼanau gölö?​—Rom 8:25