Ha Maʼifu Niha Niʼogunaʼö ba Wameʼe Gö Niha Sato

Fatua lö alua Gowasa Fasa me 32 M, ifalua dandra sahöli-höli dödö Yesu. Ha daʼa dandra sahöli-höli dödö nisura zi daöfa sanura mbuku Injil.

Moroi ba dandra sahöli-höli dödö andre, iröi Yesu duma-duma niʼoʼönia irugi iadaʼa.

14:16-21

• Ifarou ndra nifahaʼönia Yesu enaʼö labeʼe gö niha sato, hewaʼae ha lima roti ba dua rozi giʼa niʼokhögöra

• Ihalö roti andrö Yesu hegöi iʼa ba me no aefa mangandrö ia, ibeʼe khö ndra nifahaʼönia ba labagi daʼö ba niha sato

• Obönö gö andrö ba niha sato. Ha ira nifahaʼönia niʼogunaʼö Yesu ba wameʼe gö niha si ribu faʼato

  

• Iʼombakhaʼö Yesu wa ba götö safuria andre, iʼogunaʼö sambua lala si no ihonogöi ”ba wameʼe göra, na inötö wemanga”.​—Mat 24:45

• Me döfi 1919, no ifataro ”zawuyu andrö si lö faröi, satua-tua” Yesu yaʼia daʼö sambua ngawawa si lö atoto niha nibayoini ba wondrorogö ”barö mbawa yomo si so khönia” yaʼia daʼö niha nibeʼe ö

• Moroi ba ngawawa niha nibayoini si lö atoto andre, iforomaʼö Yesu wa iʼoʼö duma-duma si no ihonogöi me abad siföföna

Hewisa wangoromaʼögu wa faduhu dödögu ba uʼameʼegö tödö lala niʼogunaʼö Yesu ba wameʼe gö wamati?