”Fosumange Namau Awö Ninau”

Me so Yesu ba gulidanö, iʼabakhaiʼö wanutunö oroisa, ”Fosumange namau awö ninau.” (2Moz 20:12; Mat 15:4) Tola ibeʼe goroisa daʼö Yesu börö me iʼotarai ba waʼide-idenia lö aetu ’iʼoʼö li’ ndra satuania. (Luk 2:51) Me no ebua ia, itatugöi enaʼö so zondrorogö inania fatua lö mate ia.​—Yoh 19:26, 27.

Ba ginötö iadaʼa, iraono si bohou ebua si no tobali niha Keriso, laforomaʼö wa lafosumange ba laʼoʼö li zatuara ba lahaogö wahuhosa khöra. Sindruhunia, oroisa ba wamosumange satua lö hadöi nola-olania. Hewaʼae no atua zatuada, böi aetu tafosumange ira ba tafahaʼö ita ba waʼatua-tua niʼokhögöra. (Gamd 23:22) Tafosumange göi ira na taʼameʼegö tödö ba taʼasogö zoguna khöra na moguna. (1Tim 5:8) Fefu ita, satua hegöi si bohou ebua, moguna tahaogö wahuhuosa khö ndra satuada si no atua, enaʼö tola tafosumange ira.

FAIGI ANIMASI PAPAN TULIS HEWISA ZINDRUHUNIA WAHUHUOSAGU KHÖ ZATUAGU? AEFA DAʼÖ BEʼE WANEMA LI BA WANOFU-NOFU DAʼA:

• Hana wa abua khöu fahuhuo khö ndra satuamö?

• Hewisa wamosumangemö ira satuamö ba ginötö fahuhuoʼö khöra?

  

• Hana wa moguna fahuhuo ndraʼugö khö zatuamö? (Gamd 15:22)