Enaʼö Onekhe Ita ba Wanuriaigö​—Ogunaʼö Wanofu si Tefaudu

HANA WA MOGUNA: Hulö ’nidanö sabakha nikhoi dödö niha’. Hizaʼi, fanofu andre no amaedola timba sanou yaʼia. (Gamd 20:5) Na manofu ita, tola taʼila nösi dödö niha si fahuhuo khöda. Na tabeʼe wanofu si no tahaogö tafili, tola ibeʼe wanema li si sökhi. Iʼogunaʼö wanofu si tefaudu Yesu. Hewisa woloʼöda yaʼia?

LALA WAMALUA YAʼIA:

• Beʼe wanofu enaʼö öʼila nösi dödönia. Oya wanofu nibeʼe Yesu khö ndra nifahaʼönia enaʼö iʼila nösi dödöra. (Mat 16:13-16; be-IN 238 ¶4-6) Hadia manö wanofu si tola öʼogunaʼö?

• Beʼe wanofu si tola mameʼe fanuturu lala. Ba woʼatulöʼö lala wangera-ngera Wetero, iʼogunaʼö wanofu Yesu ba ibeʼe ösa wanema li si tola ifili Fetero enaʼö tola ihalö gangetula si tefaudu. (Mat 17:24-26) Hadia wanofu si tola öʼogunaʼö ba wanolo niha ba wangai angetula si tefaudu?

• Suno niha si fahuhuo khöu. Me ibeʼe wanema li sangila amakhoita, isuno ia Yesu börö me ”tenga sambö era-era ia, wanema li”. (Mrk 12:34) Hewisa wosunomö niha sameʼe fanema li ba zinofumö?

FAIGI FAOSATÖ SI OFÖNA MOROI BA VIDEO FALUA HALÖWÖ NIFALUA YESU—MAMAHAʼÖ BA BEʼE WANEMA LI BA WANOFU-NOFU DAʼA:

• Hana wa lö baga wamahaʼö simane daʼö, hewaʼae atulö gonönöta nifaʼemania?

• Hana wa lö tefaudu na haʼasala tafatunö gonönötania?

FAIGI FAOSATÖ SI DUA BA VIDEO ANDRÖ BA BEʼE WANEMA LI BA WANOFU-NOFU DAʼA:

• Hewisa wangogunaʼö dalifusöda andrö fanofu si sökhi?

• Hadia zi tola taʼoʼö ba lala wamahaʼönia?