Si Tebai Tafalua ba Ginötö Tafahaʼö Zura Niʼamoniʼö

Talafo Oya Fahuhuo: Böi ömane tödöu wa yaʼugö zanutunö fefu hadia ia. Iʼogunaʼö wanofu Yesu ba wanolo niha ba wangera-ngera hegöi ba wangai rahu-rahu si tefaudu. (Mat 17:24-27) Na tabeʼe wanofu, tola sökhi wamahaʼö ba tola öʼila hadia zi no aboto ba dödönia hegöi hadia nifaduhusinia tödö. (be-IN 253 ¶2-3) Ba ginötö tabeʼe wanofu, baloi wanema li moroi khönia. Na ibeʼe wanema li si fasala, böi anemaiʼö fatunö wanema li satulö. Beʼe wanofu gonönöta ba wanolo yaʼia wangai rahu-rahu si tefaudu. (be-IN 238 ¶2-3) Böi taʼalio-lioʼö fahuhuo, taʼodaligö faʼatua-tua niha nifahaʼöda enaʼö aboto ba dödönia duho nifaʼemada—be-IN 230 ¶4.

Öbeʼe Abua Wamahaʼö: Böi tutunö fefu ngawalö niʼilamö sanandrösa ba duho daʼö. (Yoh 16:12) Osambuaʼö wangera-ngeramö ba duho si föföna ba ngenoli daʼö. (be-IN 226 ¶4–227 ¶1) Na özara-zara sibai wanutunö, hewaʼae sökhi daʼö, hizaʼi tola manö taya duho si föföna. (be-IN 235 ¶3) Na no aboto ba dödönia duho si föföna, tohugö ba ngenoli aefa daʼö.

Ha Asala Tabeʼe Wamahaʼö: Gohitö dödöda enaʼö tofakha ba dödöra hadia nifahaʼöda, tenga ha asala tafaʼema manö. (Luk 24:32) Ogunaʼö waʼabölö Daromali Lowalangi ba wangosambuaʼö fangera-ngera ba ayati-ayati sanandrösa ba duho daʼö. (IIKor 10:4; Heb 4:12; be-IN 144 ¶1-3) Ogunaʼö gamaedola saoha muʼila eluaha. (be-IN 245 ¶2-4) Fatimbaisi hewisa waʼabua nitaögö niha nifahaʼömö ba hadia nifaduhusunia tödö, aefa daʼö faudugö wamahaʼömö ba zoguna khönia. Beʼe wanofu simane, ”Hewisa moloʼö yaʼugö ba wamahaʼö andre?” ”Moroi ba wamahaʼö daʼa, hadia wamahaʼö si tola tahalö sanandrösa khö Yehowa?” ”Moloʼö yaʼugö, hadia gunania na tafalua mene-mene daʼa?”​—be-IN 238 ¶4-6; 259 ¶1.