Angolifa
BA MIGU 29 MBAŴA SI LIMA 2017–4 MBAŴA SI ÖNÖ 2017
3 ”Hadia Nifabuʼumö, ba Öfalua”
Hadia manö mbuʼusa li si no öfabuʼu khö Yehowa? Hadia öfalua gofu hadia manö ba wamalua yaʼia? Hewisa sanandrösa ba mbuʼusa limö ba wolulu faʼauri mazui mbuʼusa limö ba wongambatö? Ba wamahaʼö daʼa, tafahaʼö ita moroi ba duma-duma si sökhi Yefita hegöi Khana, samalua hadia zi no lafabuʼu. Daʼa zanolo yaʼita enaʼö tola tafalua hadia zi no tafabuʼu khö Lowalangi.
BA MIGU 5-11 MBAŴA SI ÖNÖ 2017
10 Hadia Zalua Na Tohare Wamatörö Mbanua Lowalangi?
Sasesenia, taʼangeraigö hadia nibeʼe Yehowa khöda ba Waradaiso ba zi so miföna. Hizaʼi, ba wamahaʼö daʼa, tatutunö öfa ngawalö gabula dödö nihori Yehowa irege tola so waʼatulö ba faʼowua-wua dödö ba gulidanö. Famahaʼö daʼa zangaʼaroʼö wamatida ba tola anau gölöda.
BA MIGU 12-18 MBAŴA SI ÖNÖ 2017
15 ”Sanguhuku Ulidanö Maʼasagörö” Hasambalö Ifalua Zatulö
BA MIGU 19-25 MBAŴA SI ÖNÖ 2017
21 Hadia Ötutunö Goi-Goi Waʼatulö Niʼokhögö Yehowa?
Tola tetandraigö wamati, fangide-ngideʼö, hegöi faʼalöfaröida, na tataögö mazui taʼila walöʼatulö. Ba zi dombua famahaʼö andre, itutunö khöda tölu ngawua waö-waö salua si no tesura ba Zura Niʼamoniʼö si tola manolo yaʼita enaʼö taʼoʼö goi-goi waʼatulö Yehowa.
BA MIGU 26 MBAŴA SI ÖNÖ 2017–2 MBAŴA SI FITU 2017
27 Tefolakhömi Yehowa Na Ölulu Waʼaurimö!
Hewaʼae na lö hadöi itötöna hadia ia khöda Yehowa, omuso dödönia na iʼila wa taforege ba wanuhini famatörönia. Ba Zanguhuku faza 4 ba 5, tafahaʼö wa iʼameʼegö tödö sibai Yehowa na tatehegö waʼaurida ba wamosumange yaʼia hegöi na taʼoʼö wanuturu lala moroi khönia.