Famaehagö Faosatö 12

Ifahaʼö Yesu sanandrösa ba Wamatörö zorugo. Ifahaʼö göi niha ba wangandrö enaʼö teʼamoniʼö döi Lowalangi, enaʼö tohare Wamatörönia, ba enaʼö alua gohitö dödönia ba gulidanö. Na so khöu ndraono, fatunö khönia hadia geluahania khöda wangandrö daʼö. Lö faröi Yesu hewaʼae itandraigö ia Satana. Ifili zinengenia Yesu ba tebeʼe khöra halöwö si tohude ba Wamatörö Lowalangi. Abakhaʼö wamatunö wa owölö-ölö Yesu ba wamosumange satulö. Börö waʼomasinia, ifadöhö wökhö, ibeʼe gö niha solofo, ba iʼorifi niha si no mate. Moroi ba nifalua Yesu andre oroma hadia nifalua Wamatörö Lowalangi dania ba niha gulidanö.