Alio Aboto ba Dödö Zamondrongo

1 Korindro 14:9

RAHU-RAHU: Tolo niha samondrongo enaʼö laʼila hadia geluaha nifaʼemamö.

LALA WAMALUA YAʼIA:

• Haogö fahaʼö ndraʼugö ba duho nifaʼemamö. Moguna aboto ba dödöu duho nifaʼemau enaʼö aoha khöu wanutunö yaʼia, ba ogunaʼö wehedeu samösa.

• Ogunaʼö ngawua wehede sadogo-dogo ba salio muʼila eluaha. Hewaʼae lö fasala na muʼogunaʼö ngawua wehede saganau, hizaʼi abölö baga na öʼogunaʼö ngawua wehede sadogo-dogo ba adogoiʼö wanutunö tuhonia.

• Tutunö ngawua wehede si lö muʼila eluaha. Na tola, böi ogunaʼö ngawua wehede sambö aboto ba dödö zamondrongo. Na ötötöi ngawua wehede si lö asese muʼogunaʼö, bua-bua niha si so ba Zura Niʼamoniʼö, fanuʼa niʼogunaʼö me götö föna mazui si toʼölö mufalua, moguna öhaogö wanutunö yaʼia.