FAMAHAʼÖ 18

Enaʼö Hulö Zawena Larongo

1 Korindro 9:19-23

RAHU-RAHU: Alui lala enaʼö laʼangeragö duho nirongora irege aboto ba dödöra wa moguna sibai daʼö.

Angeragö hadia zi no aboto ba dödö zamondrongo. Moroi na öfuli ötutunö khöra hadia zi no irai larongo ba zilalö, alui lala enaʼö hulö zawena larongo daʼö ba ginötö öfaehagö ia.

Tola öʼadogoiʼö wanutunö tuho sasese larongo. Hizaʼi, na so mbua gera-era si bohou, haogö wangombakha yaʼia böi talafo alio-lio.
Falua riset ba foʼangerönusi. Na tola, ogunaʼö ngawalö zalua sambö tehöngö mazui si bohou alua ba woʼamaedolagö duho nifaʼemamö. Haogö angeragö duho nifaʼemamö hegöi amakhaitania ba ngawalö zalua sinangea ötutunö.

Ba ginötö öfareso duho sinangea öfaʼema, moguna öʼangeragö wanofu-nofu simane ʼhadia, hana, hamega, hezo, haniha ba hewisa’. Enaʼö adöni dödö zamondrongo ba wamahaʼömö, beʼe wanofu-nofu simane daʼö hegöi fanema linia.
Foromaʼö hadia guna duria nifaʼemamö. Tutunö hewisa ayati Zura Niʼamoniʼö möi fanolo khö ndra samondrongo ba waʼaurira sero maʼökhö. Haogö özara-zara wanutunö salua, amuata hegöi nifalua niha, si tefaudu ba zomasi zamondrongo.