Odödögö Enaʼö Adöni Dödöra

Gamaedola 3:1

RAHU-RAHU: Tolo zamondrongo enaʼö laʼameʼegö tödö ba lafalua zi no lafahaʼö yaʼira.

LALA WAMALUA YAʼIA:

• Tolo zamondrongo enaʼö lafareso dödöra. Beʼe wanofu si lö moguna fanema li (fanofu retorik) ba wanolo yaʼira ba wamareso ösi dödöra.

• Tolo ira enaʼö laʼokhögö gohitö dödö si sökhi. Farou dödöra enaʼö laʼangeragö hana wa lafalua halöwö si sökhi. Tolo ira enaʼö atulö gohitö dödöra yaʼia daʼö börö me laʼomasiʼö Yehowa, awöra niha hegöi famahaʼö Zura Niʼamoniʼö. Böi hulö zameʼe fotu ndraʼugö, hizaʼi tolo ira enaʼö laʼila geluaha ayati Zura Niʼamoniʼö. Moroi na öʼailasi ira, abölö sökhi na öfarou dödöra ba gafuriata huhuomö enaʼö lafalua zabölö sökhi.

• Enaʼö laʼosambuaʼö dödöra khö Yehowa. Tutunö hewisa wa tola oroma mbua-bua Lowalangi hegöi faʼomasinia moroi ba wamahaʼö Zura Niʼamoniʼö, goi-goi hegöi amakhoitania. Tanögö ba dödö zamondrongo enaʼö aboto ba dödöra nirasoi Yehowa ba enaʼö laʼomusoiʼö dödönia.