FAMAHAʼÖ 13

Haogö Wanutunö Geluaha Wamahaʼö Nifaʼemamö

Gamaedola 3:21

RAHU-RAHU: Tolo niha nifahaʼömö enaʼö laʼila gamakhaita duho daʼö ba waʼaurira, ba foromaʼö hadia zinangea lafalua sanandrösa ba wamahaʼö andrö.

Angeragö niha samondrongo. Angerönusi hadia mbörö wa moguna lafondrondrongo duria nifaʼemamö andrö, ba hewisa wa möi fanolora duho daʼö.
Sagötö öfalua wamadumaisi, foromaʼö hadia zinangea lafalua. Iʼotarai ba wamobörö, moguna aboto ba dödö zamondrongo irege lamane, ’Moguna khögu duho daʼa.’ Sagötö ötutunö hadia manö wamahaʼönia, foromaʼö hewisa lala wamalua yaʼia. Haogö özara-zara wanutunö yaʼia.

Haogö wanutunö hewisa wamalua goi-goi Zura Niʼamoniʼö si fao faʼomasi ba foʼameʼegö tödö. Moroi na öʼalui lala enaʼö itahi-tahigö ira tödöra, abölö sökhi na öʼaroʼö waʼomasi hegöi famatira ba yafaduhu dödöu wa hasambalö tefarou dödöra ba wamalua satulö.