Fangogunaʼö Buku Lala ba Wanöndra Faʼohahau Dödö Sagötö Faʼara! ba Wamalua Famahaʼö ba Zura Niʼamoniʼö

Fatua lö öfalua wamahaʼö

1. 

   1. Haogö wamaʼanö yaʼugö. Ba ginötö öfaʼanö ndraʼugö, angeragö zoguna ba niha nifahaʼöu, hewisa ia, ba hadia nifaduhusinia tödö. Angeragö hadia duho sanolo yaʼia enaʼö aboto ba dödönia ba ifalua daʼö. Fareso faosatö ”Alui Nasa Danö Böʼö” si tobali fanolo ba niha nifahaʼöu, ba tola mitutunö daʼö sagötö mifalua wamahaʼö moloʼö soguna khönia.

Sagötö wamahaʼö

1. 2. Na fao dödö niha nifahaʼöu, angandrö fatua lö mibörögö hegöi na no aefa mifalua wamahaʼö.

2. 

   3. Böi talafo oya huhuomö. Osambuaʼö dödöu ba duho wamahaʼö ba beʼe ginötö ba niha nifahaʼömö ba wamaehagö bua gera-erania hegöi nirasoinia.

3. 4. Ero na mibörögö sambua faza, baso ngenoli famaehagö ba fakhai ero sambua tuho wamahaʼö.

4. 5. Na no aefa mitutunö duho si oföna, ogunaʼö faosatö ”Hadia Wamahaʼö si Tola Öhalö” sanolo niha nifahaʼöu enaʼö lö olifu ia wamahaʼö si no itema.

5. 6. Ero na mitutunö zi sambua faza:

   1. Mibaso ngenolinia.

   2. Baso fefu ayati si no mubeʼe tandra ”Baso”.

   3. Tola mibaso ayati tanö böʼö na moguna.

   4. 

      Faigi fefu video si no mubeʼe tandra ”Futa Video” (na no tehenaigö).

   5. Beʼe fefu wanofusi no tehenaigö.

   6. Mitutunö faosatö ”Odödögö Nasa Wangalui”, ba andrö mbua gera-era niha nifahaʼöu.

   7. Ogunaʼö duho ”Tandraigö Falua Daʼa” ba wanolo niha nifahaʼöu enaʼö tedou wamatinia. Farou ia enaʼö iʼoʼö mbua gera-era si no mufaʼanö mazui itatugöi samösa gohitö dödönia, ba tola göi ifalua maʼadombua.

   8. Sofu ba niha nifahaʼöu hadia mbua nitemania ba zi sambua artikel mazui video ba faosatö ”Alui Nasa Danö Böʼö” me ifaʼanö ia.

   9. Tandraigö asiwai sambua faza ero mifalua wamahaʼö.

Na no awai wamahaʼö

1. 

   7. Törö-törö tödöu niha nifahaʼöu. Ohe ia ba wangandrö enaʼö tedou wamatinia. Andrö waʼatua-tua moroi khö Yehowa enaʼö öʼila lala si tefaudu ba wanolo yaʼia.