Hadia Mbörö Waʼanau Gölö Zura Niʼamoniʼö

Börö me anau gölö Zura Niʼamoniʼö, andrö wa irugi iadaʼa tola öʼokhögö ba öbaso ia. Ba me inötö öfili Zura Niʼamoniʼö si sökhi famoʼeluaha, tola faduhu dödöu wa nibasou hewaʼae ha nisali ia tola nifaduhusi tödö, tefaudu ba naskah si föföna.a Hizaʼi, hewisa wa tola so Zura Niʼamoniʼö irugi iadaʼa hewaʼae tekiko börö waʼara, so zamadaö, laʼodödögö wobulöʼö ösinia, ba asese si fao waö-waö sahöli-höli dödö? Hadia mbörö wa tohude mbuku andre?

Ato nifahaʼö ba Zura Niʼamoniʼö fao dödöra ba zi no isura Faulo andre wa, ”Fefu nösi zura andrö, ba eheha Lowalangi zameʼe ba dödö niha.” (II Timoteo 3:16) Faduhu dödöra wa Sura Niʼamoniʼö so irugi iaʼdaʼa börö me Wehede Lowalingi ia andrö wa tohude ba no irorogö Lowalangi enaʼö mbuku andre so irugi iadaʼa. Faizal, nitutunö moroi furi, ba gafuriatania ihalö gangetula ba wamahaö yaʼia samosa ba wamareso wehede andrö. Ahöli dödönia ba zi no isöndra. Awena aboto ba dödönia wa famahaʼö si so ba gosali lö tefaudu ba nösi Zura Niʼamoniʼö. Aefa daʼö, irugi dödönia hadia zi no ifabuʼu Lowalangi si so ba Zura Niʼamoniʼö sanandrösa ba gulidanö ba zi so föna.

Imane wangumaʼö, ”Iadaʼa faduhu dödögu wa Sura Niʼamoniʼö niʼokhögögu no buala moroi khö Lowalangi. Na tola iwöwöi mbanua si yawa awö danö Lowalangi, tatu manö so khönia waʼabölö ba wameʼe khöda si sambua buku ba irorogö mbuku andrö enaʼö lö tekiko. Na taʼositengagö daʼö ba no aombö dödöda ba waʼabölö Lowalangi. Hana haniha ita andre?”—Yesaya 40:8.