Anggota Mboto Solohe Si Bohou

ME SIHULÖ wongi ngaluo Rabu, 24 mbaŵa si Sara 2018, latema gangombakhata si tohude ösi nomo Mbetieli si so ba Amerika Serikat hegöi ba Kanada, ösinia: Talifusöda Kenneth Cook, Jr., no tobali samösa moroi ba gotalua Mboto Solohe Samaduhuʼö Yehowa.

Tumbu ba ebua-ebua dalifusöda Cook tanö raya Pennsylvania Tengah, Amerika Serikat. Ifahaʼö ia ba zindruhu moroi khö nawönia sekola fatua lö tamat SMA ba tebayagö ia idanö me 7 mbaŵa si Önö 1980. Ibörötaigö wangai halöwö safönu inötö tobali perintis biasa me 1 mbaŵa si Siwa 1982. Me no aefa dua fakhe merintis ia, lakaoini ia ba Mbetieli. Ibörötaigö mohalöwö ia ba Wallkill, New York, me 12 mbaŵa si Fulu 1984.

Ba zi 25 fakhe aefa daʼö, itema halöwö talifusöda Cook ba percetakan hegöi ba gödo Mbetieli. Me 1996, mangowalu ia khö dalifusöda ira alawe sotöi Jamie. Iʼotarai daʼö, fao göi dalifusöda Jamie wohalöwö ba Wallkill. Me baŵa si Felendrua 2009, findra dalifusöda Cook hegöi Jamie ba Pusat Pendidikan Menara Pengawal si so ba Patterson, New York. Halöwö dalifusöda Cook ba daʼö yaʼia daʼö ba Departemen Korespondensi. Me baŵa si Öfa 2016, me no aefa mangawuli ira sabata ba Wallkill, lafindrakö dalifusöda Cook hegöi Jamie ba Brooklyn, New York. Lima waŵa aefa daʼö, lafindrakö zui ira ba kantor pusat sedunia si so ba Warwick, New York. Me baŵa si Sara 2017, mufataro dalifusöda Cook tobali asisten Panitia Penulisan Mboto Solohe.