Atua-tua ba Wanuriaigö—Mamörögö Famahaʼö ba Zura Niʼamoniʼö Föna ba Mbaŵa Ndruhö Taʼogunaʼö Mbuku Turia Somuso Dödö Moroi khö Lowalangi!
Hana Moguna: Enaʼö tola tafomaha niha, moguna tobali guru si sökhi ita iwaʼö Yesu. (Mataiʼo 28:19, 20) Tola tobali samahaʼö satua-tua ita na taʼogunaʼö ngawalö mbuku si no labeʼe khöda. Mbuku Turia Somuso Dödö Moroi khö Lowalangi! lafazökhi ia ba wanolo yaʼita enaʼö tola tafahaʼö niha ba zi ndruhu. Tola taʼogunaʼö mbuku daʼa na awena falukha ita khöra.
Tandraigö öfalua daʼa ba zi sara waŵa andre:
Lau angandrö khö Lowalangi na so ba dödöu wamomaha niha ba Daromali. Andrö khö Yehowa enaʼö tola tobali ndraʼugö samahaʼö satua-tua ba tola falukha ndraʼugö ba niha somasi mamahaö yaʼia ba Daromali.—Filifi 2:13.
Ba mbongi wamahaʼö ba nomo mazui ba ginötö öfahaʼö ndraʼugö samösa beʼe ginötöu enaʼö tola ötanö ba dödöu duma-duma si no tehenaigö. Na öfalua daʼa so khöu waʼafaduhu dödö ba wamahaʼö niha ba Zura Niʼamoniʼö.