Fakake Niʼogunaʼöda ba Wamahaʼö
1. Hana laʼamaedolagö sanuriaigö simane tuka?
1 Si toʼölönia oya fakake niʼogunaʼö tuka. So fakake sasese iʼohe so göi zi löʼö. Fakake sasese iʼogunaʼö daʼö niʼohenia. Na asese iʼogunaʼö fakake andrö itugu toʼölö ia. Sura Niʼamoniʼö zangoʼou yaʼita enaʼö toʼölö ba wanuriaigö ba enaʼö ”sohalöwö si lö aiwö”. (II Timoteo 2:15) Hadia fakake sabölö taʼogunaʼö ba wanuriaigö? Sura Niʼamoniʼö. Na taʼogunaʼö Zura Niʼamoniʼö andre no tafalua wehede Yesu ”mibaliʼö nifahaʼö fefu soi”. (Mataiʼo 28:19, 20) Börö daʼö, moguna taʼodödögö enaʼö toʼölö ita ’wangogunaʼö Taromali si ndruhu andrö’. Tobali, so fakake tanö böʼö si tola manolo yaʼita enaʼö itugu toʼölö ita ba wamahaʼö niha.—Gamaedola 22:29.
2. Hadia manö fakake si tola taʼogunaʼö ba wamahaʼö?
2 Fakake niʼogunaʼöda: Baero Zura Niʼamoniʼö, Hadia fakake tanö böʼö niʼogunaʼöda ba wamahaʼö? Yaʼia daʼö, Apa yang Sebenarnya Alkitab Ajarkan? Na no awai taʼogunaʼö mbuku daʼa, tola tatohugö ba wamahaʼö yaʼira ba mbuku ”Tetaplah Berada dalam Kasih Allah”. Hadia mbörö? Daʼa zanolo yaʼia enaʼö ifalua goi-goi Zura Niʼamoniʼö ba waʼaurinia. Yaʼita sanuriaigö enaʼö onekhe ita ba wangogunaʼö mbuku si dombua andre. Buku tanö böʼö si tola taʼogunaʼö ba wamahaʼö yaʼia daʼö, Turia Somuso Dödö Moroi khö Lowalangi! Na so niha si falukha khöda si lö mangila mombaso mazui si lö onekhe mombaso, tola taʼogunaʼö mbuku Fondro-ndrongo Li Lowalangi mazui Fondro-ndrongo Li Lowalangi Enaʼö Ösöndra Waʼauri si lö Aetu. Buku tanö böʼö si tola taʼogunaʼö ba wanolo niha nifahaʼöda enaʼö itugu aboto ba dödönia gangowuloa Zamaduhuʼö Yehowa yaʼia daʼö, Haniha Zamalua Somasi Yehowa ba Ginötö Andre? Hadia fakake tanö böʼö si tola taʼogunaʼö nasa? So video si no lafazökhi simane Hana wa Moguna Tafahaʼö Ita ba Zura Niʼamoniʼö?, Hadia Manö Nifalua ba Nahia Gorahua Mbanua Lowalangi?, Hadia so Döi Lowalangi? Tola tatolo niha na taʼogunaʼö fefu fakake si no lahenaigö andre ba wamahaʼö yaʼira ba Zura Niʼamoniʼö.
3. Hadia lua-luania na taʼoʼö wanuturu lala moroi ba Halöwöda Khö Lowalangi?
3 Tola taʼoʼö wanuturu lala moroi ba Halöwöda Khö Lowalangi. Na tafalua daʼa, itugu tedou waʼatua-tuada ba wangogunaʼö fefu fakake si no lahenaigö ba wamahaʼö niha, ba taʼoʼö mene-mene Waulo khö Timoteo me iwaʼö, ”Faigi-faigi hewisa ndraʼugö, ba hewisa wamahaʼö andrö; böi böhöli daʼö. Na öʼoʼö daʼö, ba öʼorifi ndraʼugö, awö zamondrongo andrö khöu.”—I Timoteo 4:16.