OWÖLÖ-ÖLÖ BA WANURIAIGÖ | ENAʼÖ OMUSO DÖDÖDA BA WANURIAIGÖ
Ogunaʼö Wakake ba Wamalua Riset
Enaʼö mofozu ita ba wamahaʼö niha, no ibeʼe khöda Yehowa wakake si tobali fanolo. Duma-dumania, video, risalah, majalah, brosur, buku, ba sabölö tohude yaʼia daʼö Sura Niʼamoniʼö. (2Ti 3:16) Ibeʼe göi khöda wakake ba wamalua riset sanolo yaʼita ba wamotokhi ngawalö ayati Zura Niʼamoniʼö. Duma-dumania, Watchtower Library, aplikasi JW Library®, PERPUSTAKAAN ONLINE Manuriaigö, hegöi Fanuturu Lala ba Wamalua Riset khö Ndra Samaduhuʼö Yehowa.
Na öhaogö öʼogunaʼö fefu wakake si no muhenaigö andrö, hasambalö örasoi waʼomuso dödö börö me oya girö-girö ba wamati nisöndramö. Moguna göi öfomaha niha nifahaʼöu ba wangogunaʼö fefu wakake andrö. Na öfalua daʼö, tola laʼalui samösa wanema li ba wanofu-nofura sanandrösa ba Zura Niʼamoniʼö. Na lasöndra wanema linia, hasambalö göi omuso dödöra.
FAIGI VIDEO OKHÖGÖ WAʼOMUSO DÖDÖ BA WOMBALIʼÖ NIFAHAʼÖ—TEMA WANOLO YEHOWA—FAKAKE BA WAMALUA RISET, BA BEʼE WANEMA LI BA WANOFU-NOFU DAʼA:
Hadia mbua gera-era Jade sanandrösa ba niwöwöi?
Hadia wakake ba wamalua riset niʼogunaʼö Neeta?
Omuso dödöda na tasöndra girö-girö ba wamati hegöi na tafatunö daʼö ba niha böʼö
Hewisa lala Neeta ba wamili artikel si tefaudu khö Jade?
Hewisa dödö Neeta me no iʼogunaʼö wakake ba wamalua riset?