Ogunaʼö Fitur si So ba Mbuku Alkitab Ajarkan

Na itugu idouʼö wangalui faʼaboto ba dödö nösi Zura Niʼamoniʼö niha nifahaʼö ba ifalua ba waʼaurinia, tola mowua ba monönö wamatinia. (Zin. 1:1-3) Enaʼö monönö wamatinia, taʼogunaʼö fitur si so ba Alkitab Ajarkan.

Fanofu ba Wamobörö Faza: Ero sambua faza so wanofu famobörö, si so fanema li ba mbuku andrö. Tola öbeʼe khönia zinofu andrö ba böi iʼanemai itema li enaʼö adöni dödönia ba wamahaʼö andrö. Mazui öʼandrö khönia wanema li sadogo-dogo moroi ba wanofu andrö, böi salaikö ia na lö tefaudu wanema linia. Moroi ba wanema linia öʼila hezo irugi waʼaboto ba dödönia ba hadia wanolo sinangea öbeʼe khönia.​—Gamd. 16:23; 18:13.

Apendiks: Na aboto ba dödö niha nifahaʼöda nösi Daromali ba fao dödönia ba wamahaʼö nibeʼeda khönia, tola tafarou ia ba wamaigi apendiks soʼamakhaita ba nifahaʼöda yaʼia. Na öfuli möi khönia, ogunaʼö ginötö mato haʼuga menit ba wanofu hadia no aboto ba dödönia wamahaʼö nibeʼeda khönia ba migu si lalö. Na öʼila moguna taʼabakhaiʼö ba dödönia nasa, beʼe ginötöu ba wombaso apendiks, tola mibaso mato haʼuga ngenoli, ba beʼe khönia wanofu si no öhenaigö.

Kotak Famuli Furi: Ba gafuriata faza so wanema li moroi ba wanofu si so ba wamobörö faza, no tefaʼanö ba kotak famuli furi. Tola öʼogunaʼö kotak daʼa ba wanolo niha nifahaʼöu enaʼö aboto ba dödönia hadia zi tobali rahu-rahu moroi ba wamahaʼö andrö. Baso wanema li hegöi ayati si no tehenaigö ba kotak. Andrö ba niha nifahaʼöu enaʼö itutunö hadia wamahaʼö moroi ba ayati andrö.​—Hal. 17:2, 3.