Temaʼö Domeda

Ba zi 23 mbaŵa si Tölu, tola manö töra 12 zuta niha sangondrasi Fanörö Tödö faʼamate Yesu. No sambua turia si sökhi daʼa, börö me lafaʼema huhuo sahöli-höli dödöda sanandrösa ba höli nibeʼe Yehowa awö howu-howunia ba niha gulidanö ba zi so föna! (Yes 11:6-9; 35:5, 6; 65:21-23; Yoh 3:16) Hizaʼi, tenga ha sangaʼi huhuo zamaʼema turia si sökhi ba ginötö waʼowulo andrö. Tola göi tafalua na tatemaʼö zawena mangondrasi. (Rom 15:7) Datafaigi hadia zinangea tafalua.

• Moroi na mudadaoʼö manö na no örugi, ba öbalo-baloi hawaʼara mubörögö gangowuloa, abölö sökhi na öfalukhaisi, ötabe, ba ötemaʼö zawena möi mazui ira talifusöda si no ara lö möi ba gangowuloa

• Baero na ha mudadao ndraʼugö ba zinga niha nikaonimö, sökhi na ötemaʼö niha si no manema undranga me inötö kampanye. Kaoni ira mudadao ba zingau. Faoma mifake Zura Niʼamoniʼöu ba buku zinunöu

• Na no awai gangowuloa, beʼe ginötöu ba niha somasi manofu khöu. Na ambö ginötö börö me so ndra talifusöda tanö böʼö sangogunaʼö Balai Kerajaan, angeraigö hawaʼara öfuli öfalukhaisi ia. Na lö öʼila lala hewisa wamalukhaisi yaʼia, sofu khönia, ”Omasido urongo hewisa dödöu ba gangowuloada mege. Hewisa enaʼö tola falukha ita zui?”