Lala Wameʼe Mbua Gera-era si Sökhi

Mbua gera-era si sökhi tola möi fanolo ba mbanua niha Keriso. (Rom 14:19) Moguna göi daʼö ba niha sameʼe mbua gera-era. (Gamd 15:23, 28) Andrö, moguna taforege ba wameʼe mbua gera-era, si löʼö-löʼönia sakali ero gangowuloa. Atulösa wa lö tatu na latuyu ita ero tabeʼe yawa dangada. Andrö, moguna böi ha sambua tafaʼanö mbua gera-erada.

Bua gera-era si sökhi andrö . . .

• alio aboto ba dödö niha, tefaudu, hegöi adogo-dogo. Si toʼölö, faʼarania ha 30 detik mazui ambö

• lafaʼema ia moloʼö mbua gera-era samösa

• böi fuli tutunö si no iwaʼö niha böʼö

Na yaʼugö zi oföna latuyu, . . .

• adogoiʼö wanutunö ba anemaiʼö beʼe wanema li ba wanofu andrö

Na no tebeʼe wanema li ba wanofu andrö, tola ötutunö . . .

• gamakhaita ayati si no lasura ba duho nitutunö andrö

• hadia lua-lua duho andrö ba waʼaurida

• hewisa tola laʼogunaʼö wamahaʼö andrö ba wanolo niha böʼö

• si no irai alua ba wotandrösaigö duho andrö