Lala Wangogunaʼö Brosur Fondro-ndrongo Li Lowalangi

Lafazökhi brosur Fondro-ndrongo Li Lowalangi ba wamahaʼö sindruhu sanandrösa ba Zura Niʼamoniʼö si fao gambara ba niha si lö mangila mombaso. So dua ngaʼörö ero sambua famahaʼö. No tehenaigö wanuturu lala ba gambara, sangombakhaʼö gambara ganetenia.

Gambara si so ba brosur Fondro-ndrongo Li Lowalangi Enaʼö Ösöndra Waʼauri Si lö Aetu fagölö simane si so ba brosur Fondro-ndrongo Li Lowalangi. Hizaʼi, oya ngawua wehede ba brosur Fondro-ndrongo Li Lowalangi Enaʼö Ösöndra Waʼauri Si lö Aetu ba tola iʼogunaʼö niha nifahaʼöda sangila mombaso. Asese iʼogunaʼö brosur daʼa sanuriaigö na niha nifahaʼönia iʼogunaʼö brosur Fondro-ndrongo Li Lowalangi. So ngaʼörö si so kotak ösinia gonönöta wamahaʼö si tola latutunö na fao dödö niha nifahaʼöda.

Tola öbeʼe brosur daʼa gofu hawaʼara manö, hewaʼae na tenga baŵa wameʼe yaʼia. Na öfahaʼö niha ba Zura Niʼamoniʼö, tola öʼogunaʼö gambara ba wanutunö ösi Zura Niʼamoniʼö. Ogunaʼö wanofu enaʼö tola iʼameʼegö tödö wamahaʼö ba öʼila hezoso ndrege zaboto ba dödönia. Baso ba tutunö ayati si so ba ngaʼörö tanö tou. Na no aefa ötutunö brosur daʼa, ogunaʼö mbuku Apa Yang Sebenarnya Alkitab Ajarkan? mazui Hadia Nifahaʼö Zura Niʼamoniʼö Khöda? enaʼö tola tedou ia ba wamati irege tebayagö ia idanö.