Enaʼö Onekhe Ita ba Wanuriaigö​—Onekhe ba Wangogunaʼö JW.ORG

HANA WA MOGUNA: Fefu publikasi si farahu ba Fakake Niʼogunaʼöda ba Wamahaʼö, no lala ba wamokai jw.org. Mufazökhi kartu kontak hegöi risalah Hezo Tasöndra Wanema Li Na So Wanofu-nofuda Sanandrösa ba Waʼaurida Andre? enaʼö laʼila niha situs Web khöda. Tola öʼogunaʼö jw.org ba wameʼe sambua publikasi elektronik moroi ba Fakake Niʼogunaʼöda ba Wamahaʼö, tola öʼogunaʼö e-mail mazui link ba wokirim yaʼia. Moguna sibai daʼa, mendrua manö na falukha ita ba niha sangogunaʼö li böʼö. Hizaʼi, tola manö lö fefu wanofu-nofu nibeʼe niha, so wanema linia ba publikasi si so ba Fakake Niʼogunaʼöda ba Wamahaʼö. Na onekhe ita wangogunaʼö situs Web, tola itugu onekhe ita ba wanuriaigö.

LALA WAMALUA YAʼIA:

• 

  Ogunaʼö faosatö ”AJARAN ALKITAB”. Na manuriaigö ndraʼugö khö zi samösa satua somasi mangila lala ba wangebuaʼö iraono, bokai AJARAN ALKITAB > SUAMI ISTRI & ORANG TUA.

• Ogunaʼö faosatö ”PUBLIKASI”. Na öfalua wanuriaigö si lö resmi ba zekola ba omasi öbeʼe brosur Fanema Li moroi ba zi 10 Wanofu zi Bohou Ebua khö nawöu sekola, bokai PUBLIKASI > BUKU & BUKU SIDE-IDE.

• Ogunaʼö faosatö ”SANANDRÖSA KHÖMA”. Na manuriaigö ndraʼugö khö nawöu wohalöwö somasi mangila sanandrösa ba nifaduhusida tödö, bokai SANANDRÖSA KHÖMA > SASESE LASOFU NIHA.

FAIGI VIDEO ONEKHE BA WANGOGUNAʼÖ JW.ORG, HEZOSO NIBOKAIMÖ BA JW.ORG SI TOLA ÖʼOGUNAʼÖ BA WANOLO:

• niha si lö faduhu tödö khö Lowalangi

• niha sawena göna abula dödö

• ira talifusöda si no mamöhöli halöwö ba wamati

• niha nifuli nifalukhaisida ba wanuriaigö sanofu sanandrösa ba lala wangaʼasogö soguna ba halöwöda

• niha moroi ba soi böʼö somasi möi ba gangowuloa si so ba soinia