Alui Waʼatua-tua ba JW.ORG

No ihenaigö khöda Taromali Lowalangi hewisa lala ba wanaögö ngawalö gabula dödö salua ba ngaluo safuria andre. (2Ti 3:1, 16, 17) Hizaʼi itaria, moguna khöda wanolo ba wangalui goi-goi Zura Niʼamoniʼö si tefaudu ba gabula dödö salua khöda. Duma-dumania, na yaʼugö samösa satua, hadia omasiʼö öʼalui mene-mene ba wangebuaʼö iraonomö? Na yaʼugö si bohou ebua, hadia abua khöu ba wondrorogö famatiu na so wanandraigö? Na mate woʼomomö hewisa lalamö ba wanaögö abula dödö andrö? Ba jw.org tola ösöndra goi-goi Zura Niʼamoniʼö si tola manolo yaʼugö na alua khöu gabula dödö simane daʼö mazui tanö böʼönia.—Amd 2:3-6.

So ösa lala si tola öfalua ba wangalui artikel ba jw.org. Ba halaman utama, tola öfili faosatö FAMAHAʼÖ ZURA NIʼAMONIʼÖ. (Faigi gambara si 1.) Na no öfili faosatö daʼö, so dania ngawalö kategori si tola öfili. Mazui fili faosatö PERPUSTAKAAN > SERI ARTIKEL. (Faigi gambara si 2.) Ba faosatö daʼö so dania ngawalö kategori si tola öfili. No göi mufaʼanö kategori daʼö fefu ba JW Library^®.a Tandraigö faigi hadia manö artikel si no muhenaigö ba zi dombua faosatö andrö. Lala tanö böʼö si tola öfalua yaʼia daʼö na öʼogunaʼö fitur pencarian ba jw.org.

Ketik duho daʼa ba fitur kotak pencarian, ba sura hadia manö artikel somasiʼö öbaso.

• Mangebuaʼö Iraono

• Si bohou ebua

• Na mate niha niʼomasiʼöu