Enaʼö Onekhe Ita ba Wanuriaigö​—Börögö Wahuhuosa Irege Tobali Sambua Fanuriaigö

Tola ifalua Yesu kesaksian tidak resmi khö zi samösa ira alawe Zamaria börö me ibörögö fahuhuo khö ndra alawe andrö. Hewisa enaʼö onekhe ita wamörögö huhuo ba niha si lö taʼila?

• Foromaʼö waʼafahuwu ba lau fahuhuo ba niha. Hewaʼae marase Yesu, ibörögö wahuhuosa me iʼandrö nidanö. Tola göi öbörögö wahuhuosa na öʼowai ira ba ötutunö sanandrösa ba cuaca mazui ngawalö zalua barö-barö daʼa. Törö tödöu wa ohitö dödöda si oföna ha enaʼö tola tabörögö fahuhuo. Börö daʼö, tutunö duho sadöni dödöra. Na lö iʼameʼegö tödö, lö salania. Alui niha böʼö. Andrö khö Yehowa waʼabarani.—Neh 2:4; Hal 4:29.

• Henaigö faigi ginötö si tefaudu ba wamaʼema turia somuso dödö, hizaʼi böi aösö-aösö. Enaʼö si toʼölö manö lala wahuhuosamö. Na öfaso ia, tola manö lö ohahau dödönia ba ibato fahuhuo. Böi afatö dödömö na aetu dalu huhuomi fatua lö ötutunö duria nifaʼemamö. Na ataʼu ndraʼugö ba wamaʼema turia somuso dödö, tandraigö börögö wahuhuosa simane si toʼölö manö hewaʼae na lö öfalua wanuriaigö. [Futa ba tutunö video 1.]

• Alui lala ba wamalua fanuriaigö. Lalania, ogunaʼö wehede sadöni dödö sanandrösa ba wamatimö irege adöni dödö niha samondrongo ba iʼandrö khöu enaʼö ötutunö daʼö. Ihaogö itutunö Yesu hadia nifaʼemania irege adöni dödö ndra alawe andrö ba wanofu. Ba gafuriata, me ifaʼema Yesu duria somuso dödö, nifaluania ha ba wameʼe fanema li moroi ba wanofu-nofu ndra alawe andrö. [Futa ba tutunö video 2, aefa daʼö futa ba tutunö video 3.]