Hadia Sindruhu-ndruhu Öʼameʼegö Tödö Daromali Lowalangi?

Lowalangi Yehowa yaʼia Samaʼanö Zura Niʼamoniʼö. Andrö, wa ösi Zura Niʼamoniʼö no lala wangera-ngerania hegöi fehedenia. (2Fet 1:20, 21) Itutunö Sura Niʼamoniʼö wa sindruhunia no sinangea ifatörö gofu haniha manö. Ba zi lö ara tö, iʼogunaʼö Wamatörönia enaʼö laʼokhögö niha gulidanö waʼauri si sökhi. Itutunö göi Sura Niʼamoniʼö bua-bua sahöli-höli dödö niʼokhögö Namada ba zorugo, Yehowa.​—Zin 86:15.

Oi faböʼö-böʼö mbörö wa taʼameʼegö tödö Daromali Yehowa. Hizaʼi, gofu hadia ia mbörönia, hadia taforomaʼö wa sindruhu-ndruhu taʼameʼegö tödö Daromali Lowalangi? Tola taforomaʼö daʼa na tabaso Zura Niʼamoniʼö ero maʼökhö ba taʼoʼö mene-menenia. Na tafalua daʼö, eluahania taʼokhögö dödö simane nirasoi samösa zanura sinunö, me imane, ”Ha lö omasido goroisamö andrö!”​—Zin 119:97.

FAIGI VIDEO LAʼANDRÖ SIBAI SAOHAGÖLÖ BA ZURA NIʼAMONIʼÖ—CUPLIKAN (WILLIAM TYNDALE), BA BEʼE WANEMA LI BA WANOFU-NOFU DAʼA:

• 

  Hadia mbörö wa ifoʼeluaha ösa Zura Niʼamoniʼö William Tyndale?

• Hana wa no sahöli-höli dödö halöwö nifaluania ba wamoʼeluaha Sura Niʼamoniʼö?

• Hewisa lala ba wombiniʼö Sura Niʼamoniʼö nifoʼeluaha Tyndale numalö ba Inggris?

• Hewisa wangoromaʼöda wa taʼameʼegö tödö Daromali Lowalangi?