Enaʼö Onekhe Ita Ba Wanuriaigö​—Ogunaʼö Video ba Wamahaʼö

HANA WA MOGUNA:

Tola fagöna ba dödö niha na mufuta video börö me faoma laʼila ba larongo. Daʼa zi möi fanolo ba niha enaʼö lö mangoloi wangera-ngerara ba enaʼö lö aefa ba dödöra irugi hawaʼara. No ibeʼe Yehowa duma-duma si sökhi ba wangogunaʼö hadia ia niʼila hörö ba wamahaʼö.​—Hal 10:9-16; Fam 1:1.

So video zi tobali onönöta ba wamahaʼö 2 ba 3 moroi ba mbuku Turia Somuso Dödö, yaʼia daʼö video Hadia So Döi Lowalangi?, Haniha Bua Gera-eraʼö Daromali Lowalangi Andrö?, ba Hana Faduhu Dödöda Wa Sindruhu Nösi Zura Niʼamoniʼö? So göi video zi tola tobali famarou dödö ba niha enaʼö lafahaʼö ira khöda ba Zura Niʼamoniʼö mazui enaʼö laʼondrasi gangowuloada, yaʼia daʼö video Hana Wa Moguna Tafahaʼö Ita ba Zura Niʼamoniʼö?, Hewisa Halöwö Famahaʼö ba Zura Niʼamoniʼö Nifaluama?, ba Hadia Manö Nifalua ba Nahia Gorahua Mbanua Lowalangi? Video-video saganau andre tola muʼogunaʼö ba wamahaʼö niha nifahaʼöda ba Zura Niʼamoniʼö.​—km-IN 5/13 3.

LALA WAMALUA:

• Henaigö download video sedöna öforomaʼö ba zokhö omo

• Faʼanö sambua ma dombua wanofu si so fanema li ba video

• Faoma mifaigi video

• Fatunö duho-tuho sadöni dödö

TANDRAIGÖ DAʼA:

• Foromaʼö ngaʼörö tanö furi si so ba risalah, ba döniaʼö dödönia ba wamaigi kode si tobali fanolo ba wamokai video Hana Wa Moguna Tafahaʼö Ita ba Zura Niʼamoniʼö?

• Foromaʼö video Hana Faduhu Dödöda Wa Sindruhu Nösi Zura Niʼamoniʼö? ba beʼe mbuku Turia Somuso Dödö, tutunö wamahaʼö 3