Enaʼö Onekhe Ita ba Wanuriaigö​—Manuriaigö ba Niha Sauʼa

HANA WA MOGUNA: Ato niha sauʼa si lö omasi fahuhuo ba niha si lö laʼila. Daʼö mbörö wa moguna waʼonekhe ba wanuriaigö ba niha simane daʼö. Iforomaʼö waʼomasinia Yehowa ba niha sauʼa. (3Moz 19:14) Tola göi taʼoʼö duma-dumania andrö na taforege ba wanolo niha sauʼa enaʼö lafahaʼö ira sanandrösa khö Yehowa.

LALA WAMALUA YAʼIA:

• ”Alui” niha sauʼa. (Mat 10:11) Hadia so nösi nomo niʼilamö si so niha sauʼa? Hadia so ba mbanuamö zekola, nahia wondrorogö niha satua si so niha sauʼa, mazui tanö böʼönia somasi manema publikasi nifazökhi ba niha sauʼa?

• Foromaʼö wa öʼameʼegö tödö ira. Fahuwusa hegöi foʼameʼegö tödö niforomaʼömö soroi ba dödö, no tobali fanolo daʼö ba niha sauʼa. Tandraigö wamörögö fahuhuosa ba niha simane daʼö si so ba mbanuau

• Beʼe wanolo soguna ba wamati. Oya fakake si no ifazökhi organisasida soguna ba niha sauʼa. Sofu ba zi samösa niha hadia lala wamahaʼö sabölö omasi ia. Moguna itatugöi pengawas dinas khö genoni sohalöwö ba lektur, hadia no ifoʼösi permintaan lektur ba format niʼandrö niha sauʼa