Böi Dunö-Dunö Informasi si Fasala

Iadaʼa, alio sibai ba wamazaewe zi sambua informasi ba niha si zuta faʼato börö me tola lacetak daʼö, labeʼe ba radio, TV, hegöi internet. Börö me samosumange ”Lowalangi sindruhu” ita, moguna taʼangelamaisi enaʼö lö tafazaewe informasi si lö atulö, hewaʼae na lö taʼodödögö wamalua daʼö. (Zin 31:5, Terjemahan Dunia Baru; 2Moz 23:1) Tola alua gabula dödö sebua na tadunö-dunö walimosa ba niha böʼö. Enaʼö tola öʼila hadia atulö informasi nirongomö mazui löʼö, sofu khöu samösa:

• ʼHadia moroi ba niha si tola mufaduhusi tödö urongo daʼa?’ Tola manö lö ahori aboto ba dödö niha samatunö khömö hewisa zindruhunia zalua. Baero daʼö, hasambalö tebulö zi sambua informasi ba ginötö mufaʼema daʼö ba niha böʼö. Börö daʼö, moguna mangelama ndraʼugö na lö öʼila haʼökhö moroi informasi daʼö. Mendrua manö khö ndra talifusöda ira matua mazui ira alawe sangokhögö noro dödö mazui halöwö si tohude ba mbanua niha Keriso, moguna mangelama ira enaʼö böi ladunö-dunö zi sambua informasi ba niha böʼö na lö laʼila hadia atulö daʼö mazui löʼö

• ʼHadia möi fangobousi döi zi samösa niha informasi andrö?’ Na tobali famakiko döi si sökhi niʼokhögö zi samösa niha mazui si sambua ngawawa daʼö, böi tutunö ba niha böʼö.​—Gamd 18:8; Fil 4:8

• ʼHadia ikhamö fangera-ngerada informasi andrö?’ Moguna mangelama ndraʼugö na örongo informasi hegöi salua sahöli-höli dödöda

FAIGI VIDEO HEWISA ENAʼÖ LÖ TAFATOU-TOU NIHA? BA BEʼE WANEMA LI BA WANOFU-NOFU DAʼA:

• 

  Moloʼö Gamaedola 12:18, hadia gabula dödö si tola alua börö wehededa?

• 

  Ba ginötö tadunö-dunö niha böʼö, hewisa wa tola möi fanoloda Filifi 2:4, irege tola tatatugöi hewisa zinangeania wehededa?

• 

  Hadia zinangea tafalua na ibörögö lafatörö li mazui lafatou-tou niha böʼö ira niha si fahuhuo khöda?

• 

  Fatua lö tadunö-dunö niha böʼö, hadia zinangea tasofu khöda samösa?