Si Bohou Ebua​—Hadia No Mibaliʼö si Fahuwu Khömi Yehowa?

Hadia mbua-bua somasiʼö iʼokhögö si fahuwu khöu? Si toʼölönia, omasi ita ba niha si lö faröi, si sökhi tödö, ba soböwö. No iʼokhögö fefu mbua-bua daʼö Yehowa. (2Moz 34:6; Hal 14:17) Ifondrondrongo na mangandrö ndraʼugö khönia. Gofu hawaʼara moguna khöu wanolo, hasambalö iʼoroʼö dangania ba wanolo yaʼugö. (Zin 18:20, 36) Iʼefaʼö zala si no öfalua. (1Yoh 1:9) No si fahuwu fondrege zi sökhi Yehowa!

Hewisa enaʼö tola tobali ndraʼugö si fahuwu khö Yehowa? Baso Daromalinia enaʼö tola itugu aboto ba dödömö sanandrösa khönia. Tutunö khönia nösi dödömö. (Zin 62:9; 142:3) Foromaʼö wa öʼameʼegö tödö fefu zi tohude ba wamaigi Yehowa, simane Ononia, Famatörönia, hegöi buʼusa linia ba zi so miföna. Fatunö ba niha böʼö sanandrösa khönia. (5Moz 32:3) Na lö aetu fahuwu ndraʼugö khö Yehowa, tola tobali ia si fahuwu khöu irugi zi lö aetu.​—Zin 73:25, 26, 28.

FAIGI VIDEO SI BOHOU EBUA—”MITANDRA BA MIFAIGI WA NO SEBUA TÖDÖ YEHOWA”, AEFA DAʼÖ BEʼE WANOFU-NOFU DAʼA:

• 

  Hewisa wamaʼanöu yaʼugö enaʼö tola ölulu waʼauriu ba tebayagö idanö?

• 

  Hewisa wa tola latolo ndraʼugö ira talifusöda ba wamosumange Yehowa?

• 

  Na öfalua halöwö fanuriaigö, hewisa wa tola möi fangaroʼö wahuwusau khö Yehowa daʼö?

• 

  Hadia manö halöwö ba wamati si tola öfalua?

• Hadia mbua-bua Yehowa sabölö omasiʼö?