Satua, Mifaʼanö Ndraonomi Faoma Faʼaboto ba Dödö

Auri ita ba gulidanö samotöi si sökhi tobali si lö sökhi ba si lö sökhi tobali si sökhi. (Yes 5:20) So ösa niha samalua zi fatuwu khö Yehowa, simane faʼorudu ba gotalua ira matua faoma ira matua mazui ira alawe faoma ira alawe. Tola manö laforege ladönisi ndraonoda sebua mböli andrö ira awöra sekola mazui niha böʼö ba wamalua simane nifaluara. Hewisa wamaʼanömö iraonou enaʼö mofozu ira ba wanimbagö fanandraigö simane daʼö mazui fanandraigö si fakhili-khili ba daʼö?

Faʼanö ndraonomö faoma faʼaboto ba dödö ba goi-goi Yehowa. (3Moz 18:3) Zara-zara ba wanutunö khöra hadia niwaʼö Zura Niʼamoniʼö sanandrösa ba seks. Tutunö moloʼö waʼalawa ndröfira ba si tola aboto ba dödöra. (5Moz 6:7) Sofu khöu samösa: ’Hadia no ufahaʼö ndraonogu hewisa zinangeania ba wangoromaʼö faʼomasi, fangogunaʼö nukha soadu, ba foʼameʼegö tödö angetula niha böʼö na so zi tebai iʼila? Hadia laʼila iraonogu hadia zinangea lafalua na so samösa niha sangoromaʼö khöra pornografi mazui laʼandrö khöra ba wamalua si fatuwu khö Yehowa?’ Na no mufaʼanö ira faoma faʼaboto ba dödö tola telumöʼö ira moroi ba ngawalö gabula dödö. (Gamd 27:12; Zango 7:12) Na öfahaʼö ndraonou, no öforomaʼö waʼomasi ba gokhöta sebua mböli nibeʼe Yehowa.​—Zin 127:3.

FAIGI VIDEO MAMAZÖKHI OMO SI SO FAʼANAU GÖLÖ—LUMÖʼÖ NDRAONOMÖ MOROI BA ”ZI LÖ SÖKHI”, BA BEʼE WANEMA LI BA WANOFU-NOFU DAʼA:

• 

  Hana wa so ösa saombö tödö ba wamahaʼö iraonora sanandrösa ba seks?

• 

  Hana wa moguna labeʼe ”wotu si fao fanuturu lala moroi khö Yehowa” ira satua ba ginötö lafomaha ndraonora?​—Ef 6:4

• 

  Hadia zi no ihenaigö organisasi Yehowa khö ndra satua ba wanolo yaʼira wamahaʼö iraonora sanandrösa ba seks?​—w19.05 12, kotak

• Hana wa moguna böi mamalö-malö fahuhuo ndraʼugö khö ndraonou fatua lö alua khöra gabula dödö?