Böi Tebulö Fomaha Ndraʼugö ba Wamaehusi Satulö ba si Lö Atulö

Enaʼö mofozu zi samösa atlet, moguna asese ifomaha ia enaʼö abeʼe ndroto-ndrotonia. Simanö göi, enaʼö tola tahalö gangetula si tefaudu, moguna tafomaha ita ba wamaehusi satulö ba si lö atulö. (Heb 5:14) Sindruhu sa, itaria abölö aoha khöda woloʼö hadia nifalua niha böʼö. Hizaʼi, moguna tafomaha ita ba wangai angetula samösa. Hadia mbörö? Börö me khöda samösa dania tezofu-zofu gangetula nihalöda.​—Rom 14:12.

Böi tawaʼö tödöda wa hasambalö tola tahalö gangetula si sökhi ha börö me no ara tebayagö ita idanö. Enaʼö tola tahalö gangetula si fao faʼatua-tua, moguna taʼodaligö Yehowa, Taromalinia, hegöi organisasinia.​—Yos 1:7, 8; Amd 3:5, 6; Mat 24:45.

FAIGI VIDEO ”MIROROGÖ DÖDÖMI SIDE-IDE FABÖI TAʼUNÖ”, BA BEʼE WANEMA LI BA WANOFU-NOFU DAʼA:

• 

  Hadia gangetula sinangea ihalö Emma?

• 

  Na so niha böʼö sedöna mangai angetula, hana wa tebai tafaso ira ba woloʼö bua gera-erada?

• 

  Hadia mene-mene nitema dalifusöda Emma moroi khö zi sambua fongambatö?

• 

  Hezo so isöndra wanuturu lala Emma sanolo yaʼia ba wangai angetula?