GIRÖ-GIRÖ SI TOBINI MOROI BA DAROMALI

Oʼö Niwaʼö Yehowa Soroi ba Dödö

Iʼoʼö Kalebi niwaʼö Yehowa soroi ba dödö iʼotarai me awuyu-wuyu ia (Yos 14:7, 8)

Faduhu dödö Galebi wa hasambalö itolo ia Yehowa ba wamalua halöwö sabua (Yos 14:10-12; w04-IN 1/12 12 ¶2)

Tefahowuʼö Galebi börö me iʼoʼö niwaʼö Yehowa soroi ba dödö (Yos 14:13, 14; w06-IN 1/10 18 ¶11)

Kolase: Oya daha-taha nitaögö zi samösa talifusöda ira alawe börö me no alawa ndröfinia. 1. No igogohe ziʼo me ilau modadao ba mangandrö ia. 2. Fao ia khö zi samösa talifusöda ira alawe si bohou ebua ba wanuriaigö ba nahia sato niha. 3. Iforomaʼö koda khö ndraono side-ide ba mbanua niha Keriso si farahu yaʼia. 4. Iboho mbawa si fao faʼomuso dödö.

Itugu aro wamati Galebi börö me lö tebulö iʼoʼö wanuturu lala nibeʼe Yehowa ba itema howu-howu moroi khönia. Iadaʼa, tarasoi göi wa ifondrondrongo wangandröda Yehowa ba oya lala niʼogunaʼönia ba wameʼe khöda fanuturu lala. Buania, itugu aro wamatida ba lö tebulö mangai halöwö ita khönia.—1Yo 5:14, 15.