Si Bohou Ebua—Tutunö Nösi Dödöu khö Ndra Satuamö

Hana wa moguna ötutunö nösi dödöu khö ndra satuamö? (Amd 23:26) Börö me no ibeʼe khöra Yehowa noro dödö ba wondrorogö hegöi ba wamahaʼö yaʼugö. (Si 127:3, 4) Na lö ötutunö khöra nösi dödöu, hasambalö abua khöra ba wamalua noro dödöra andrö. Baero daʼö, tola manö lö öʼila öfahaʼö ndraʼugö moroi ba zi no irai alua khöra. Na simanö, hadia daʼö geluahania wa moguna ötutunö khöra fefu hadia ia? Löʼö. Hizaʼi, böi öbini-biniʼö khöra hadia zinangea laʼila.—Amd 3:32.

Hewisa enaʼö tola ötutunö nösi dödöu khö ndra satuamö? Alui ginötö si tefaudu. Na abua khöu wanöndra inötö si tefaudu, tola ösura zura khö mamamö mazui bapamö ba wanutunö ösi dödöu. Hizaʼi, hewisa na laʼandrö khöu ba wanutunö si lö omasiʼö öfatunö? Törö tödöu wa omasi ira latolo ndraʼugö. Yaʼira andrö si fahuwu khöu, tenga si faʼudu khöu. Tenga zaya-zaya gölö wamorege nifaluamö ba wanutunö ösi dödöu khö ndra satuamö. Oya mbua si tola ötema sandrohu faʼaurimö irugi zi lö aetu!—Amd 4:10-12.

FAIGI VIDEO FAʼAURI NDRA SI BOHOU EBUA—HEWISA ZINDRUHUNIA WAHUHUOSAGU KHÖ ZATUAGU? BA BEʼE WANEMA LI BA WANOFU-NOFU DAʼA:

• 

  Hadia zaboto ba dödö Esther hegöi Partik?

• 

  Hadia wamahaʼö si tola öhalö moroi ba duma-duma nibeʼe Yesu?

• 

  Hadia manö zi no lafalua ira satuamö sangoromaʼö wa laʼomasiʼö ndraʼugö?

• 

  Hadia manö ayati Zura Niʼamoniʼö si tola manolo yaʼugö ba wahuhuosa khö ndra satuamö?