Tola Fao Ndraʼugö ba Wangaʼasogö Faʼomuso Dödö Yomo ba Nomo

Omasi Yehowa na so waʼomuso dödö yomo ba nomo. (Si 127:3-5; Sango 9:9; 11:9) Hizaʼi, tola taya waʼomuso dödöda börö zalua ba gulidanö andre hegöi falömoʼahonoa nösi nomoda. Hadia zi tola tafalua ba wangaʼasogö faʼomuso dödö yomo ba nomoda?

Moguna khö woʼomo ira matua ba wamosumange foʼomonia. (1Fe 3:7) Moguna göi ibeʼe ginötönia khö woʼomonia. Lö ifaso woʼomonia ira alawe ba wamalua si tebai ifalua, ba moguna iforomaʼö wangandrö saohagölö ba zi no ifalua ba nösi nomora. (Kol 3:15) Baero daʼö, iforomaʼö waʼomasinia ba isuno woʼomonia.—Amd 31:28, 31.

Moguna iforege foʼomo ira alawe ba wotuhini foʼomonia. (Amd 31:12) Iʼoʼö li woʼomonia ba falulu fohalöwö ia khö woʼomonia. (Kol 3:18) Ihaogö na muhede ia ba lö idunö-dunö misa woʼomonia.—Amd 31:26.

Moguna khö ndra satua ba wameʼe inötöra ba ndraonora. (5Mo 6:6, 7) Lafatunö ba ndraonora wa laʼomasiʼö sibai ira. (Mat 3:17) Ba ginötö labeʼe wotu, moguna abeʼe ira, hizaʼi lafalua daʼö si fao faʼomasi.—Ef 6:4.

Moguna ba ndraono enaʼö lafosumange ba laʼoʼö li zatuara. (Amd 23:22) Moguna göi lafatunö khö zatuara hadia niʼera-era hegöi nirasoira. Latema wotu ba laforomaʼö wa lafosumange zatuara.—Amd 19:20.

FAIGI VIDEO OKHÖGÖ WAʼOMUSO DÖDÖ YOMO BA NOMO, BA BEʼE WANEMA LI BA WANOFU-NOFU DAʼA:

Moroi ba video daʼö, hadia zi tola lafalua zi sambua ösi nomo enaʼö itugu monönö waʼomuso dödö yomo ba nomora?