Hadia No Öʼogunaʼö Audio Zura Niʼamoniʼö?

Hadia nifotöi audio Zura Niʼamoniʼö? Audio Zura Niʼamoniʼö yaʼia daʼö rekaman Famoʼeluha Gulidanö si Bohou si no murevisi. Lazara-zara ba worilis rekamannia ba ngawalö li. Sambua zi tohude ba wamazökhi audio Zura Niʼamoniʼö yaʼia daʼö lö fagölö-gölö li niha niʼogunaʼö ba audio andrö. Lahaogö labaso ngawua wehedenia irege tefaudu ba sökhi wamaʼema ösinia.

Hadia manö mbua nitema niha si no mangogunaʼö audio Zura Niʼamoniʼö? Lasöndra waʼomuso dödö me asese lafondrondrongo audio Zura Niʼamoniʼö. Larasoi wa mofaʼabölö Daromali Lowalangi. Börö me faböʼö-böʼö li niha ba audio andrö, aoha khöra ba wokhalaigö salua ba Zura Niʼamoniʼö ba itugu aboto ba dödöra hadia nisura ba daʼö. (Amd 4:5) Ato göi zanöndra faʼahono dödö me lafondrondrongo audio Zura Niʼamoniʼö ba ginötö larasoi waʼaombö dödö.—Si 94:19.

Na tafondrondrongo wombaso Taromali Lowalangi, so lua-luania ba waʼaurida. (2Ng 34:19-21) Na no tehenaigö audio Zura Niʼamoniʼö ba li niʼogunaʼöu, he si no ahori mufaʼanö mazui löʼö, hadia tola öʼaseseʼö wangogunaʼö yaʼia?

FAIGI VIDEO FAMAZÖKHI AUDIO ZURA NIʼAMONIʼÖ—FAMAEHAGÖ SADOGO-DOGO, BA BEʼE WANEMA LI BA WANOFU-NOFU DAʼA:

Hadia zadöni dödömö sanandrösa ba wamazökhi audio Zura Niʼamoniʼö?