Fotu​—Tandra Wa Iʼomasiʼö Ita Yehowa

Si toʼölönia, fotu andrö no sambua fanuturu lala hegöi famahaʼö, hizaʼi tefarahu göi ba daʼö degu-tegu hegöi hukuma. Ifotu ita Yehowa enaʼö tola tafosumange ia ba lala satulö. (Rom 12:1; Heb 12:10, 11) Itaria tobali fangafökhö dödöda na labeʼe khöda wotu. Hizaʼi, na tatemaʼö daʼö, tola atulö ita föna Lowalangi ba tatema howu-howunia. (Amd 10:7) Hadia zinangea latörö tödöra ira niha sameʼe hegöi sanemaʼö fotu?

Niha sameʼe fotu. Na labeʼe wotu ira satua sokubaloi, ira satua, hegöi niha böʼö, moguna laʼoʼö duma-duma Yehowa. (Yer 46:28) Moguna fagölö waʼabeʼe wotu nibeʼera ba waʼebua zala si no mufalua. Hewaʼae na abeʼe wotu andrö, lafaʼema ia si fao faʼasökhi dödö ba faʼomasi. Moguna lafalua daʼö börö me laʼomasiʼö niha sanemaʼö fotu.​—Tit 1:13.

Niha sanemaʼö fotu. Gofu hadia wotu nibeʼe khöda, böi tatimbagö daʼö, hizaʼi iʼanemaiʼö tafalua. (Amd 3:11, 12) Börö me niha si lö moʼahonoa ita, moguna khöda wotu. Tola tasöndra daʼö na tabaso Zura Niʼamoniʼö mazui na möi ita ba gangowuloa. So göi zanemaʼö fotu moroi khö ndra panitia pengadilan. Na tatemaʼö wotu andrö, tola itugu sökhi waʼaurida ba tasöndra waʼauri si lö aetu.​—Amd 10:17.

FAIGI VIDEO ”IʼOTUʼÖ NIHA NIʼOMASIʼÖNIA YEHOWA”, BA BEʼE WANEMA LI BA WANOFU-NOFU DAʼA:

• 

  Hewisa waʼauri dalifusöda Canon ba wamobörö, ba hana wa tebulö waʼaurinia andrö?

• 

  Hewisa lala Yehowa ba wameʼe khönia fotu si fao faʼomasi?

• 

  Hadia wamahaʼö nihalöda moroi ba zalua khönia?