Alui Girö-Girö ba Wamati Soguna Khömö

Ba ginötö tabaso Zura Niʼamoniʼö, tola tasöndra girö-girö ba wamati na tafalua riset. Hizaʼi, so danö böʼö si tola tafalua enaʼö abölö oya nasa mbua nitemada.

Odödögö nasa wangalui waö-waö si so ba Zura Niʼamoniʼö. Duma-dumania, alui haniha zanura waö-waö andrö, haʼökhö musura ia, hamega lasura daʼö, hewisa zalua me luo daʼö, ba hadia zalua fatua lö musura hegöi me no awai musura.

Angeragö hadia wamahaʼönia ba alui wanema li moroi ba wanofu-nofu andre: Hewisa dödö ndra niha nitötöi ba waö-waö daʼö? Hadia gamuata niforomaʼöra? Hewisa ita woloʼö amuata si sökhi nifaluara mazui tatimbagö gamuatara si lö sökhi?

Falua wamahaʼönia, duma-dumania na möiʼö manuriaigö mazui na so nifaluamö ba niha böʼö. Na tafalua daʼö, no taforomaʼö gamuata si sökhi si fao faʼatua-tua simane niwaʼö Zura Niʼamoniʼö, ”Gofu haniha zatua-tua, ba iʼameʼegö tödö daʼa.”—Si. 107:43.

• Si tola öfalua: Faosatö Girö-Girö si Tobini moroi ba Daromali nitutunö ba gangowuloa barö migu, tobali fanoloda ba woʼangeragö hewisa wamaluada famahaʼö si no tatema. Ba faosatö daʼa, so wanofu-nofu sinangea taʼangeragö, tuho-tuho si tola taʼangerönusi, hegöi gambara si tola tanehegö.