Na No Aefa Öfahaʼö Ndraʼugö, Tutunö Daʼö!

Sindruhu-ndruhu teʼokafui dödöda na tafahaʼö ita ba Zura Niʼamoniʼö. Hizaʼi, abölö teʼokafui dödöda na tafatunö ba niha böʼö girö-girö wamati si no tasöndra. Imane ba Gamaedola 11:​25, ”Teʼokafui dödö niha sangokafui tödö niha böʼö.”

Lö alio olifu ita girö-girö ba wamati nisöndrada na tatutunö daʼö ba niha böʼö. Itugu monönö göi waʼaboto ba dödö nisöndrada börö me tola manö itutunö niha daʼö wamahaʼö tanö böʼö nisöndrania. Baero daʼö, tola tarasoi waʼomuso dödö börö me so mbuania ba niha böʼö wamahaʼö nifatunöda khöra.—Hal. 20:35.

Tandraigö falua daʼa: Sagötö ba zi hauga hari miföna andre, alui ginötö ba wanutunö hadia zi no öfahaʼö yaʼugö ba niha böʼö, duma-dumania ba nösi nomomö, khö ndra talifusöda ba mbanua niha Keriso, awöu wohalöwö, awöu sekola, si falazi omo khöu, mazui niha nituriaigömö. Haogö wanutunö khöra ba enaʼö si toʼölö manö.

Törö tödöu: Ohitö dödöu wa öfalua daʼö enaʼö tefarou dödö niha böʼö, tenga enaʼö ahöli-höli dödönia khöu.—1 Ko. 8:1.