Niha si Lö Faröi Lafalua zi No Lafabuʼu

Baso Zanguhuku 11:​30-40 enaʼö öʼila waö-waö Yefita hegöi ononia ono alawe samalua si no lafabuʼu.

Nehegö waö-waönia. Na so ndraono Gizaraʼeli si no fawuʼu li khö Yehowa, hewisa wamaigira zi no lafabuʼu andrö? (4 Mo. 30:2) Hadia nifalua Yefita hegöi ononia ono alawe ba wangoromaʼö famatira khö Yehowa? —Sangu. 11:​9-11, 19-24, 36.

Abakhaiʼö wangalui nasa. Hadia zi tola manö so ba wangera-ngera Yefita me fawuʼu li ia? (w16.04 6 ¶12) Hadia nitehegö Yefita hegöi ononia alawe ba wamalua si no lafabuʼu andrö? (w16.04 6-7 ¶14-16) Hadia manö mbuʼusa li si tohude nihalö niha Keriso iadaʼa?—w17.04 6-9 ¶10-19.

Angeragö hadia wamahaʼö si tola öhalö. Sofu khöu samösa:

• ʼHadia zanolo yaʼo enaʼö lö tebulö ufalua mbuʼusa ligu ba wamosumange Yehowa sagötö faʼara?’ (w20.03 13 ¶20)

• ʼHadia zinangea utehegö enaʼö abölö oya nasa zi tola ufalua ba wangai halöwö khö Yehowa?’

• ʼHadia zanolo yaʼo ba wondrorogö buʼusa ligu khö woʼomogu wa lö uröi ia?’ (Mat. 19:​5, 6; Ef. 5:​28-33)