Hana Wa Maʼogunaʼö Töi Samaduhuʼö Yehowa?

Töi Lowalangi yaʼia daʼö Yehowa, ba no tesura ia ba Zura Niʼamoniʼö. (2 Moze 6:3; Zinunö 83:19) Samaduhuʼö yaʼia daʼö niha sanutunö zindruhu mazui nifaduhusinia tödö.

Tobali, töi Samaduhuʼö Yehowa sangoromaʼö wa yaʼaga ngawawa niha Keriso sanutunö zindruhu sanandrösa khö Yehowa, Samazökhi fefu hadia ia. (Famaʼeleʼö 4:11) Mamaduhuʼö ndraʼaga ba niha böʼö ba lala waʼaurima, ba matutunö hadia zi no mafahaʼö ndraʼaga moroi ba Zura Niʼamoniʼö.—Yesaya 43:10-12; 1 Fetero 2:12