Hadia Niwaʼö Zura Niʼamoniʼö?

Hadia Mbanua Lowalangi Andrö?

SO ÖSA ZI FADUHU TÖDÖ wa famatörö Lowalangi daʼö si so ba dödö niha zamösana; tanö böʼönia lawaʼö wa daʼö sambua lala nifalua niha enaʼö so waʼatulö ba zi sagörö ulidanö ba so wahasara dödö ba niha. Hewisa moloʼö yaʼugö?

HADIA NIWAʼÖ ZURA NIʼAMONIʼÖ

”Ba na luo razo andrö, ba iʼasogö gamatöröwa Lowalangi ba zorugo, amatöröwa si tebai adudu, götö-götö waʼara, . . . irasa dania gamatöröwa [niha] no mege fefu, ba ihori, ba yaʼia, ba lö tebulö, irugi zi lö aetu.” (Danieli 2:44) Sindruhu-ndruhu so gamatöröwa Mbanua Lowalangi andrö.

HADIA NASA NIFAHAʼÖ ZURA NIʼAMONIʼÖ KHÖDA

• Mamatörö Mbanua Lowalangi moroi ba zorugo.​—Mataiʼo 10:7; Luka 10:9.

• Iʼogunaʼö Lowalangi gamatöröwania andrö enaʼö alua gohitö dödönia ba zorugo hegöi ba gulidanö.​—Mataiʼo 6:10.

Hawaʼara tohare Mbanua Lowalangi?

HADIA WANEMAU LI?

• Samösa lö sangila

• Ba zi lö aratö

• Hasambalö lö tohare

HADIA NIWAʼÖ ZURA NIʼAMONIʼÖ

”Ba teturiaigö dania Mbanua Lowalangi andrö, turia somuso dödö, ba gulidanö misa, maʼasagörö, ba wamaduhuʼö ba niha fefu, ba awena faʼatua danö.” (Mataiʼo 24:14) Na no teturiaigö Mbanua Lowalangi ba niha fefu, awena tohare Mbanua andrö ba wangohori si lö sökhi ba gulidanö.

HADIA NASA NIFAHAʼÖ ZURA NIʼAMONIʼÖ KHÖDA

• Samösa lö sangila hawaʼara tohare Mbanua Lowalangi andrö.​—Mataiʼo 24:36.

• No ifaʼeleʼö Sura Niʼamoniʼö wa ba zi lö aratö tohare Mbanua Lowalangi andrö.​—Mataiʼo 24:3, 7, 12.