SINUNÖ 139
Khalaigö Waʼaurimö ba Gulidanö si Bohou
Simane si No Mufazökhi
(Famaʼeleʼö 21:1-5)
1. Faigi atö zi fasuimö,
No auri ita ba Waradaiso.
Ba lö fökhö, faʼamate,
Tasöndra waʼahono dödö.
Lö göi niha si lö sökhi,
Tohare Wamatörö Nama,
Ba tebohouni fefu gulidanö.
Manunö ita
datasuno Yehowa.
(REFREIN)
”Lowalangima, saohagölömö,
Börö me no öbohouni fefu.
Manunö ndraʼaga soroi ba dödöma,
Me khöu zumange, lakhömi, ba fanuno.”
2. Faigi atö zi fasuimö,
Khalaigö gulidanö si bohou.
Lö taʼila, lö tarongo
Zangaʼasogö faʼataʼu.
No alua mbuʼusa li
Nifabuʼu Lowalangida.
Ba tesusugi niha si no mate,
Fao ira khöda
ba waʼomuso dödö.
(REFREIN)
”Lowalangima, saohagölömö,
Börö me no öbohouni fefu.
Manunö ndraʼaga soroi ba dödöma,
Me khöu zumange, lakhömi, ba fanuno.”
(Faigi göi Zi. 37:10, 11; Yes. 65:17; Yoh. 5:28; 2 Fe. 3:13.)